Greziar mitologian, Klio[1] (antzinako grezieraz: Κλειώ, Kleiô, kleô errotik, "goretsi, kantatu"), historiaren eta olerkaritza epikoaren musa da. Musa guztiak bezala, Zeus eta Mnemosineren alaba da. Kliok seme bat izan zuen Piero Mazedoniako erregearekin, Jazinto izenekoa. Iturri batzuek Himeneoren ama ere izan zela diote.

Klio
Antzinako Greziako erlijioa eta Greziar mitologia
Ezaugarriak
Sexuaemakumezkoa
Familia
AitaZeus
AmaMnemosine
Bikotekidea(k)Apolo
Seme-alabakHiazinto eta Hymen (en) Itzuli
Anai-arrebakMelpomene, Urania, Euterpe, Terpsikore, Erato, Polimnia, Talia eta Kaliope

Erramu hostoekin koroatutako neskatxa bat bezala irudikatzen ohi da, eskuineko eskuan tronpeta bat eta, ezkerrekoan, Tuzididesek idatzitako liburu bat daramatzala. Ezaugarri hauei, batzuetan, bere gainean jarrita dagoen mundu bola bat gehitzen zaie, eta Denbora bere ondoan agertzen da, Historiak toki eta garai guztiak hartzen dituela adierazteko. Batzuetan, bere estatuek esku batean gitarra bat eta bestean plektro bat daramate, gitarraren asmatzailetzat ere hartzen baitzen. Beste irudikapen klasikoago batzuetan, Klio ezkerreko eskuan papiro biribilki bat daramala eta oinetan capsa (biribilkiak gordetzeko kutxa) bat duelarik irudikatzen da. [2] [3]

Erreferentziak aldatu

  1. Euskaltzaindiaren 82. araua: Grezia eta Erromako pertsonaia mitologikoak
  2. Apolodoro. (2004). Biblioteca mitológica. Alianza Editorial ISBN 84-206-5808-1. PMC 57057189. (Noiz kontsultatua: 2020-04-29).
  3. Grimal, Pierre, 1912-1996.. (2018). Diccionario de mitología griega y romana. Paidós ISBN 978-84-493-2457-4. PMC 1083239200. (Noiz kontsultatua: 2020-04-29).

Ikus, gainera aldatu

Kanpo estekak aldatu


  Artikulu hau mitologiari buruzko zirriborroa da. Wikipedia lagun dezakezu edukia osatuz.