Ireki menu nagusia
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Klamidiasia Chlamydia trachomatis bakterioak eragindako gaixotasun infekziosoa da, harreman sexualen bidez transmititzen dena, eta traktu urogenitalari erasaten diona.

Klamidiasi
SOA-Chlamydia-trachomatis-female.jpg
Deskribapena
Mota commensal bacterial infectious diseasea Itzuli
primary Chlamydiaceae infectious diseasea Itzuli
Espezialitatea infektologia
Arrazoia(k) Chlamydia trachomatis D/UW-3/CXa Itzuli
Tratamendua
Erabil daitezkeen botikak Eritromizina, DL-ofloxacin Itzuli, sparfloxacin Itzuli, levofloxacin Itzuli, oxytetracycline Itzuli, troleandomycin Itzuli, Trovafloxacin Itzuli, clarithromycin Itzuli, Amoxizilina, Azitromizina, sulfisoxazole Itzuli, Tetraziklina eta doxycycline Itzuli
Identifikatzaileak
GNS-9-MK 079.88, 079.98 eta 078.88
GNS-10 A55, A56.8, A70 eta A74.9
GNS-9 099.41 eta 483.1
DiseasesDB 2384
MeSH D002690 eta D002690
Disease Ontology ID DOID:11263 eta DOID:11263

Munduko herrialde garatuetan klamidiasia da sexu bidez transmititzen diren gaitzen artean ohikoena, eta jende gehiagori erasaten diona, sifili, gonokozia, HIESa edo herpes genitalaren aurretik.

Chlamydia trachomatis bakterioak serotipo asko ditu. Serotipo batzuek trakoma izeneko gaitza sortzen dute, itsutasuna eragin dezakeen begien infekzio larria. Bakterio horren D eta K-ren arteko serotipoek, aldiz, infekzio genitalak eragiten dituzte, klamidiasi izenarekin ezagutzen direnak. Beste serotipo batzuek, azkenik, linfogranuloma benereo izeneko gaitza sortzen dute, sexu bidez ere transmititzen dena, baina klamidiasien taldetik at sailkatzen dena.

Sintoma klinikoakAldatu

Gaitzaren inkubazio epea astebete bat eta hiru aste bitartekoa da.

Klamidiasiak ez du beti sintomak sortzen, infekzio asko sintomarik gabekoak baitira. Sintomak agertzen direnean gizonezkoen artean uretritisarenak eta epididimitisarenak dira ohikoenak (uretritisak erremina sortzen du txiza egiterakoan eta gernu-frekuentzia areagotzen du. Epididimitisak mina eragiten du barrabiletan). Emakumezkoen artean uretritisarenak, zerbizitisarenak eta baginitisarenak (baginaren odol-jarioak, erremina txiza egiterakoan eta gernu-frekuentziaren handitzea). Gaixotasun inflamatorio pelbikoa ere ager daiteke emakumeengan. Bai gizonengan bai emakumeengan ohikoa da muki-jario bat agertzea, uretratik edo baginatik datorrena.

Infektatuta dauden emakume haurdunek ume jaioberria sarri kutsatzen dute erditzerakoan: umeak begien infekzioa (konjuntibitis) edo pneumonia izan ditzake jaiotzerakoan, erditze-kanalean dauden mikrobioz kutsatzen baita.

DiagnostikoaAldatu

Sintoma klinikoek bakarrik ezin dute diagnostikoa ziurtatu. Bakterio eragilearen kultiboa zaila denez (klamidiak ez baitira hazten ohiko hazkuntza-inguruetan, kultibo zelularrak behar baitituzte), froga serologikoaren bidez diagnostikatzen da gaitza (ELISAren bitartez, adibidez). Azido nukleikoen hibridazioaren froga eta PCR-a ere erabiltzen dira sarritan.

TratamenduaAldatu

Diagnostikoa baieztatutakoan tratamendu antibiotikoa ezartzen da: azitromizina eta doxiziklina dira gehien erabiltzen diren antibiotikoak, eritromizinaz gain.

Wikimedia Commonsen badira fitxategi gehiago, gai hau dutenak: Klamidiasi