Ireki menu nagusia

Karmele Artetxe Sanchez (Zamudio, 1976) Historian doktorea, ikertzailea eta EHUko irakaslea da, Udako Euskal Unibertsitatearen zuzendaria izan zen 2010eko urritik 2014ko martxora arte.[1]

Karmele Artetxe
Karmele Artetxe.jpg
Bizitza
Jaiotza Zamudio1976  (42/43 urte)
Herrialdea  Bizkaia, Euskal Herria
Hezkuntza
Heziketa Euskal Herriko Unibertsitatea
Jarduerak
Jarduerak historialaria
Enplegatzailea(k) Euskal Herriko Unibertsitatea
Lan nabarmenak Inguma (datu-basea)
Kidetza Udako Euskal Unibertsitatea

Esparru akademikoan euskarak duen presentzia neurtu eta historian zehar izan duen bilakaera aztertu du. Horixe zen 2010ean bere doktorego tesian landu zuen gaia.[2][3] Azterketaren ondorioz argi ikusten du euskara jasoak ibilbidea egin baldin badu, izan dela hizkuntzaren gaineko atxikimendu bereziki handia izan zuten pertsonek egin zutelako.[4] Euskarak unibertsitate mailan egoera azpi-instituzionala duela erakutsi du geroago ere.[5]

Azterketa hori egiteko oinarria Inguma datu-basearen informazioa izan zen. Artetxe bera izan zen datu base hori osatzen aritu izan zen lehen langilea, 2000. urtean hasita. Euskara batuaren garaian unibertsitate mailan euskaraz zer egin den eta nork egin duen kontsultatu daiteke Inguman (argitalpenak, hitzaldiak, ikastaroak, tesiak eta irakasgaiak).

Inguma datu-basearen egile nausietako bat izan da Karmele Artetxe.

Udako Euskal Unibertsitateak (UEU) 2000. urtean sortutako web aplikazio honetan unibertsitate mailako jakintza-alor bakoitzean euskaraz ahoz eta idatziz ekoitzi denari buruzko oinarrizko informazioa eskaintzen da. Euskara batuaren arauak finkatzen hasi zirenetik gaurdainoko produkzio zientifiko-intelektual osoa jasotzea da bere helburua. Nahiz eta 40.000 dokumentu baino gehiago dauzkan oraindik ez du helburu hori bete osotasunean. 2018an guztira 194 erakunderen lana katalogatuta zegoen. 40.680 erreferentziatik gora (2.504 liburu) eta 10.731 egileen lana eskaintzen zituen.

LanakAldatu

Karmele Artetxek hainbat artikulu argitaratu eta hitzaldi/ikastaro eman ditu. Euskal komunitate zientifikoaren Inguma datu-basean, berak idatzitako lanak 30 baino gehiago dira.[6]

ErreferentziakAldatu

Kanpo loturakAldatu