Karen Petrie
Karen Petrie edo Karen Elizabeth Jefferson Petrie (1980ko abenduaren 2a) murrizketa bidezko programazioan espezializatutako zientzilari infomartiko britainiarra da.
| Karen Petrie | |
|---|---|
| Bizitza | |
| Jaiotza | 1980ko abenduaren 2a (43 urte) |
| Herrialdea |  Erresuma Batua |
| Hezkuntza | |
| Heziketa | St Andrews Unibertsitatea University of Huddersfield (en)  Bell Baxter High School (en) |
| Hizkuntzak | ingelesa |
| Jarduerak | |
| Jarduerak | informatikaria eta ingeniaria |
| Enplegatzailea(k) | University of Dundee (en) |
Bizitza eta lana aldatu
8 urterekin programatzen ikasi zuen Commodore 64 ordenagailu batekin.[1]
Konputazio Zientzietan lizentziatu zen eta murrizketa bidezko programazioan doktoratu zen (ordenagailu batek aukera posible guztietan egokiena aukera dezan). Murrizketa bidezko programazioan lan egin zuen NASAn urte batzuez.[1] British Computer Society-k (BCS) urteko informatika teknikari gaztea izendatu zuen 2004an, NASAn egindako lanagatik.[2]
Doktoradutza egiten ari zela izandako egoera matxista baten ondorioz bihurtu zen Informatikako emakume aktibista.[1] Hori horrela, BCSWomen erakundeko arduraduna izan zen 2008tik 2011ra (emakumeei informatikari izateko laguntzak ematen dien erakunde britaniarra) eta, aldi horretan, emakumeentzako informatika ekitaldi ugari antolatu zituen.[3]
"The Petrie Multiplier " izeneko eredu matematikoaren egilea da, zeinetan generoan desorekatutako taldeetan gertatzen diren portaera sexistak aztertzen dituen (1:r-ko genero ratioa dagoen lekuan, emakumezkoek gizonek baino r2 aldiz komentario sexista gehiago jasoko ditu).[1][4]
Irakasteagatik interesa garatu zuen Oxfordeko Unibertsitateko Konputazioa Laborategian lan egin zuen bitartean.[1]
Gaur egun, Dundee-ko Unibertsitateko Zientzia eta Ingeniaritza Eskolako irakaslea da eta ikasketa burua ere izan da.[5]
Erreferentziak aldatu
Kanpo estekak aldatu
- Karen Petrieren argitalpenak Google Scholar bidez indexatua.
Datuak: Q6369954
