Judy Chicago

AEBko artista feminista

Judy Chicago (jaiotza izena, Judith Sylvia Cohen, 1939ko uztailaren 20a) Ameriketako Estatu Batuetako artista feminista eta idazlea da. Bere arte instalazio kolaboratibo handiengatik da ezaguna, batez ere emakumeak historian eta kulturan izan duen papera aztertzen dutenak. 1970eko hamarkadan Chicagok "arte feminista" terminoa sortu zuen, eta AEBko lehenengo arte feminista programa eratu zuen. Chicagoren lanak emakumeen gaitasun artistiko estereotipokoak hartzen ditu, adibidez brodatzea eta gizonen gaitasun estereotipoekin parekatzen ditu, hala nola piroteknia.[1]

Judy Chicago
Judy Chicago.jpg
Bizitza
Jaiotza Chicago1939ko uztailaren 20a (80 urte)
Herrialdea  Ameriketako Estatu Batuak
Hezkuntza
Heziketa Kaliforniako Unibertsitatea Los Angelesen
Hizkuntzak ingelesa
Jarduerak
Jarduerak margolaria, eskultorea, idazlea, artista plastikoa, feminista eta grabatzailea
Enplegatzailea(k) California State University, Fresno (en) Itzuli
Lan nabarmenak The Dinner Party
Jasotako sariak
Kidetza Phi Beta Kappa Elkartea
Mugimendua arte feminista
Genero artistikoa installation (en) Itzuli
IMDb nm1388817
judychicago.com

Bere lanik ezagunena The Dinner Party da, Elizabeth A. Sackler Center for Feminist Arten erakusgai dagoena, Brooklyneko museoan. The Dinner Party obrak emakumeak historian izan dituen lorpenak ospatzen ditu, eta lehenengo artelan epiko feministatzat hartzen da. Instalazioa triangelu erako mahaia da. Bertan 39 toki daude, eta mendebaldeko zibilizazioaren eraikuntzan garrantzia izan duten 39 emakume irudikatzen dute. Mahai azpian, 999 emakume historikoen izenak ere idatzita daude.[2] Beste lan nabarmen batzuk dira International Honor Quilt, The Birth Project, Powerplay eta The Holocaust Project.[3]

Judy Chicago Euskal HerrianAldatu

2015ean Bilboko Azkuna Zentroan, 'Zergatik ez Judy Chicago?' ('Why not Judy Chicago?') lelopean erakusketa bat aurkeztu zen margolari, eskultore, hezitzaile eta idazle feminista honen 50 urtetik gorako ekoizpeneko lanak eta dokumentuak aukeratuz. Azkuna Zentroaren eta Bordeleko CAPC Arte Garaikideko Museoaren arteko produkzioa da, Penn State unibertsitatearen, San Frantziskoko Arte Modernoko Museoaren (SFMOMA), Albuquerque Museumaren eta ARTdivas Inc. erakundearen lankidetzare arteko ekoizpena izan zen. Xabier Arakistain komisarioak Lourdes Méndez antropologo feministarekin antolatu zuen eta bertan Judy Chicagoz gain, Amelia Jones, Andrew Perchuk, Jane Gerhard eta Edward Lucie-Smith-ek parte hartu zuten. Erakusketarekin batera, Judy Chicagori berari eskainitako "Ikuspegi feministak ekoizpen artistikoetan eta artearen teorietan" ikastaroaren IV. edizioa egin zen, bertan artista berak parte hartu zuelarik.[4] [5] [6][1][7]

Irudi galeriaAldatu

ErreferentziakAldatu

  1. a b (Gaztelaniaz) «Azkuna Zentroak 'Why not Judy Chicago?' erakusketa inauguratuko du ostegunean» El Correo 2015-10-03 . Noiz kontsultatua: 2020-07-02.
  2. «“The Dinner Party” edo emakumeak historian azaltzearen ospakizuna -» Aiaraldea.eus . Noiz kontsultatua: 2020-07-02.
  3. Meet the Artists | Judy Chicago | The Birth Project, 2019
  4. «Azkuna Zentroa - AZKUNA ZENTROA PRESENTA '¿POR QUÉ NO JUDY CHICAGO?', UNA EXPOSICIÓN QUE RECORRE LA EXTENSA CARRERA DE LA LEGENDARIA ARTISTA FEMINISTA ESTADOUNIDENSE» www.azkunazentroa.eus . Noiz kontsultatua: 2020-07-01.
  5. (Gaztelaniaz) SA, Baigorri Argitaletxea. (2015-10-07). «Bilbo acoge una muestra completa de la artista feminista Judy Chicago» GARA . Noiz kontsultatua: 2020-07-01.
  6. (Gaztelaniaz) «Bilbao acoge una completa muestra de la artista feminista Judy Chicago» ELMUNDO 2015-10-07 . Noiz kontsultatua: 2020-07-01.
  7. (Gaztelaniaz) Telebista, Euskal Irrati. «Judy Chicago, medio siglo de arte feminista» www.eitb.eus . Noiz kontsultatua: 2020-07-02.

Kanpo estekakAldatu