Juan Martin Elexpuru

Juan Martin Elexpuru
	;
Bizitza
Jaiotzako izen-deiturak	Juan Martin Elexpuru Arregi
Jaiotza	Bergara, 1950eko azaroaren 15a (73 urte)
Herrialdea	Gipuzkoa, Euskal Herria
Hezkuntza
Tesi zuzendaria	Ibon Sarasola
Hizkuntzak	euskara; gaztelania
Jarduerak
Jarduerak	idazlea

Juan Martin Elexpuru Arregi (Bergara, Gipuzkoa, 1950eko azaroaren 15a) euskal idazlea eta itzultzailea da. Filosofia eta Euskal filologiako ikasketak egin zituen, eta 1976tik 1996ra irakasle izan zen Bergarako UNEDeko Euskara Sailean.^[1] Urte hartan "Bergara aldeko lexikoa" izenburuko doktorego-tesia aurkeztu zuen EHUn Ibon Sarasolaren zuzendaritzapean.^[2]

2000an Goenkale telesailerako gidoiak idazten hasi zen. Gainera, Txapalarta argitaletxeak kaleratzen duen Literotura liburu erotikoen bildumako zuzendaria da. Horrez gain, Bergara aldeko berbak eta langintza zaharrak proiektu etnologiko-dialektologikoaren zuzendaria ere izan da. Bestalde, 2001etik 2005era Aralar alderdi politikoaren Gipuzkoako koordinatzailea izan zen.^[3]

Lanak aldatu

Itzulpena aldatu

George Orwell, Gianni Rodari eta Cesare Beccaria bezalako autoreen lanak itzuli ditu euskarara. 2008an Molièreren Tartufo eta Zekena obren euskarazko bertsioa argitaratu zuen Literatura Unibertsala bildumaren barruan.

Florentziako gobernuaz solasean; Francesco Guicciardini (Limes, 2019)
Rita tenislari; Rita Poloan; Rita eta hilobi-lapurrak; Rita Robinson, Ritak nobioa du. Mikel Valverde (2010, Elkar)
Ez ezkondu, aita!. Fina Casadelrrey (2009, Elkar)
Printzea. Nikolas Makiavelo (2008, Limes)
Tartufo+Zekena. Molière (2008, Literatura Unibertsala)
Filosofia apaingelan; Donatien Alphonse F. Sade (2001, Txalaparta): Bego Montoriorekin batera
Delituez eta zigorrez; Cesare Beccaria (1999, Klasikoak)
Esku bakarrarekin irakurtzeko kontuak; Pilar Cristobal (1999, Txalaparta)
Bonba. J.M. Almarzegi, Fernando Lalana (1990, Bruño)
Gelsomino gezurtien lurraldean. Rodari (1987, Elkar)
Abereen etxaldea; George Orwell (1982, Elkar)

Bidaia-kronikak aldatu

Kuba triste dago (1994, Elkar)
Alpeen itzalpean (1993, Elkar)

Saiakera eta ikerketa aldatu

Hizkuntzaren irakaskuntza eta ikerketaz ere baditu lanak eginak. Bergarako euskara aztertu eta hiztegia bildu du: Bergarako euskera (1988) eta Bergara aldeko berbak (2005), besteak beste.

¿Qué está pasando con Iruña-Veleia? (2018, Pamiela)
Urdirotz eta Antzin. Euskal Udalekuak. Historia eta Istorioak. Estepan Plazaolarekin batera (2018, Goitikoetxea Kultur Elkartea)
Euskararen aztarnak Sardinian? (2017, Pamiela)
Elorrixoko berbetia. Aintzane Agirrebeñarekin batera (2014, Elorrioko Udala)
Lan eta lan, emakumea Bergaran. Idoia Etxeberriarekin batera (2014, Bergarako Udala)
Iruña-Veleiako euskarazko grafitoak (2009, Arabera)
Bergara aldeko hiztegia (2004, Bergarako Udala)
Bergarako euskara. Askoren artean, egile nagusia (1988, UNED-Bergara)

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.