Juan Antonio Zunzunegi

Juan Antonio Zunzunegi
	Juan Antonio Zuntzunegiren bustoa, Portugaleten. Irudi gehiago
Bizitza
Jaiotza	Portugalete, 1901eko abenduaren 21a
Herrialdea	Bizkaia, Euskal Herria
Heriotza	Madril, 1982ko maiatzaren 31 (80 urte) (81 urte)
Hezkuntza
Hizkuntzak	gaztelania
Jarduerak
Jarduerak	idazlea eta legelaria
Jasotako sariak	ikusi Fastenrath saria ;
Kidetza	Real Academia Española
Genero artistikoa	eleberria

Juan Antonio Zunzunegi Loredo (Portugalete, Bizkaia, 1901eko abenduaren 21a - Madril, Espainia, 1982ko maiatzaren 31) gaztelaniazko idazle bizkaitarra izan zen.

XX. mendearen hasierako Portugaleteko eta Bilboko gizartearen kronista izan zen.

Biografia aldatu

Deustuko, Valladolideko eta Salamancako unibertsitateetan ikasi zuen eta, azkenean, Madrilen bukatu zituen Zuzenbideko ikasketak.

Eleberria eta kontakizun laburra landu zituen, betiere teknika errealistaz, hizkera zuzen eta apaingarririk gabeaz. 1926-50 urteetan argitaratu zituen eleberriek garai hartako Bilboko bizimodua dute gaitzat: Chiripi (1931), El chiplinchandle (1940), gizartearen ustelkeria kritikatzen dutenak; Ay estos hijos (1943, Ai, umeok), Bilboko familia bizimoduaz; La quiebra (1947, Porrota), bilbotar bankariei buruzkoa.

Geroko obrek Madril dute gertalekutzat. Horietakoa da La vida como es (1954, Bizitza, den bezalaxe), askorentzat Zuntzunegiren liburu hoberena; Madrilgo behe-mailako jendearen bizimodua du kontagai, sarritan argota erabiliz.

1960an, Real Academia Españolan Pio Barojak utzitako lekua bete zuen.

Portugaleteko La Florida auzoko institutuak haren izena du.

Sariak aldatu

1949. urtean Espainiako Narratiba Sari Nazionala eskuratu zuen La úlcera (1948, Ultzera) lanagatik .
1962. urtean, berriro ere Espainiako Narratiba Sari Nazionala eskuratu zuen El premio (1961, Saria) eleberriarekin.

Obra aldatu

Vida y paisaje de Bilbao (1926)
Chiripi (1931)
Tres en una, o la dichosa honra (1935)
El Chipichande (1940)
¡Ay...éstos hijos! (1943)
El barco de la muerte (1945)
La quiebra (1947)
La úlcera (1949)
Las ratas del barco (1950)
El supremo bien (1951)
Esta oscura desbandada (1952)
La vida como es (1954)
El hijo hecho a contrata (1956)
Una mujer sobre la tierra (1959)
El camión justiciero
El camino alegre
Todo queda en casa (1965)
Un hombre entre dos mujeres (1966)
La frontera delgada (1968)
Una rica hembra (1970).
Cuentos y patrañas de mi ría
El hombre que iba para estatua

Kanpo loturak aldatu

Wikimedia Commonsen badira fitxategi gehiago, gai hau dutenak: Juan Antonio Zunzunegi

(Gaztelaniaz) Biografia

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q4446154
Multimedia: Juan Antonio Zunzunegui