Jose Maria Larrauri

Jose Maria Larrauri Lafuente (Gasteiz, Araba, 1918ko martxoaren 4a - Gasteiz, Araba, 2008ko abenduaren 9a) Gasteizko gotzain emeritua zen. 1979tik 1995era arte Gasteizko gotzain izan zen.

Jose Maria Larrauri
Gasteizko Gotzaina 1979ko otsailaren 16a - 1995eko irailaren 8a ← Francisco Peralta - Miguel Jose Asurmendi → Elizbarrutia: Gasteizko elizbarrutia apezpiku tituludun 1970eko irailaren 21a - Elizbarrutia: Ofena (en) apezpiku laguntzaile 1970eko irailaren 21a - Elizbarrutia: Iruñea eta Tuterako artxidiozesia
Bizitza
Jaiotza	Vitoria-Gasteiz, 1918ko martxoaren 4a
Herrialdea	Araba, Euskal Herria
Heriotza	Vitoria-Gasteiz, 2008ko abenduaren 9a (90 urte)
Hezkuntza
Hizkuntzak	gaztelania
Jarduerak
Jarduerak	apaiz katolikoa eta apezpiku katolikoa
Enplegatzailea(k)	Pontifical Mission Societies of Spain (en)
Sinesmenak eta ideologia
Erlijioa	Erromatar Eliza Katolikoa

Biografia

Gasteizko Florida kaleko eskola nazionaletan eta San Viator ikastetxean burutu zituen lehenengo ikasketak. Betidanik izan zuen harreman estua Eliza Katolikoarekin, gaztetan San Migel Parrokiako Gazte Elkartearen sortzaileetako bat izan baitzen. Ondoren Zuzenbide Zibila ikasten hasi zen eta banketxe batean egin zuen lan hainbat urtez.

1942an apaizgaitegian sartu eta 1948an apaiztu zen. Arabako zenbait herrietan parroko izan ondoren, 1950ean, Albacetera joan zen Tabera gotzainaren laguntzaile bezala. 1970ean, Iruñeko elizbarrutira joan zen Tabera kardinalari laguntzera.

1974an Espainiako Misio Lanen buru izendatu zuten, eta kargu horretan egon zen 1979ko martxoaren 30era arte, Gasteizko gotzain kargua hartu zuen arte. 1995eko irailaren 8an laga zion Gasteizko gotzain izateari.

Kanpo estekak

• (Ingelesez) www.catholic-hierarchy.org

• Datuak: Q1597083