Ireki menu nagusia
Jose Maria Gorroño Etxebarrieta

Gernika-Lumo armarria.jpg
Gernika-Lumoko alkatea
Karguan
2007(e)tik
Aurrekoa Miguel Angel Aranaz

Jaiotza 1953
Gernika, Bizkaia
Alderdi Politikoa Eusko Alkartasuna, 2007ko hauteskundeetan; Bildu koalizioan 2011ko hauteskundeetan; Euzko Abertzaleak-Euzko Alderdi Jeltzalea koalizioan 2015eko hauteskundeetan.

Jose Maria Gorroño Etxebarrieta (Gernika, Bizkaia, 1953) euskal herritar politikaria eta Gernikako alkatea da.

BizitzaAldatu

Errigoitin jaio zen eta industria ingenieri ikasketak egin zituen. Bost anaietatik zaharrena da. Alkatetzara ailegatu baino lehen maisu lanetan jardun zuen.

2007a baino lehen, hainbat legegintzalditan Eusko Alkartasunako alkategai izan zen nahiz eta lehen indarra izatea ez lortu. Urte horietan bai oposizioan eta bai gobernuan (EAJrekin) aritu izan zen.

2007ko udal hauteskundeetan Eusko Alkartasuna alderdiak irabazi zituen hauteskundeak eta Eusko Abertzale Ekintzaren babesarekin gobernua osatu eta alkatetzara ailegatu zen.

2011ko udal hauteskundeetan Bildu koalizioan aurkeztu ziren Eusko Alkartasuna eta Ezker Abertzalea, eta Gernika-Lumon gehiengo osoa eskuratu zuten, botoen % 62,76 jasota.

2015eko maiatzaren 24ko hauteskundeetara Euzko Abertzaleak (EA-NV) izeneko zerrenda independente batean aurkezteko asmoa agertu zuen, eta martxoaren 17an EAJrekin koalizioan aurkezteko akordioa publiko egin zuen. Koalizioak 11 zinegotzi lortu zituen 2015eko maiatzaren 24ko hauteskundeetan, eta alkatetza lortu zuen.

2011ko hauteskundeen emaitzakAldatu

Alderdia Bozkak % Zinegotziak
Bildu 5.901 % 62,76 12
EAJ-PNV 2.320 % 24,68 5
PSE-EE 389 % 4,14 0
PP 323 % 3,44 0
Aralar 280 % 2,98 0
EB-B 81 % 0,86 0

2015ko hauteskundeen emaitzakAldatu

Alderdia Bozkak % Zinegotziak
EA-NV/EAJ-PNV 4.950 % 57,5 11
EH Bildu 2.891 % 33,59 6
PSE-EE 357 % 4,15 0
PP 175 % 2,03 0