Jose Antonio Ardanza
Jose Antonio Ardanza Garro (Elorrio, Bizkaia, 1941eko ekainaren 10a - ) politikari jeltzalea eta enpresaburua da. 1985tik 1999ra Eusko Jaurlaritzako lehendakaria izan zen. Gaur egun, Euskalteleko presidentea da.
Karrera politikoaAldatu
EAJko militantea 1979an Arrasateko alkate aukeratu zuten eta 1983ean Gipuzkoako Ahaldun Nagusia. 1985an Karlos Garaikoetxeak lehendakari postua utzi zuenean Eusko Alkartasunaren zatiketaren ondoren Eusko Jaurlaritzako lehendakari izendatu zuten.
1999ko urtarrilaren 2an, bere agintaldia bukatuta, kargua utzi eta Juan Jose Ibarretxe bihurtu zen Eusko Jaurlaritzako lehendakari.
EnpresaburuAldatu
Euskal Autonomia Erkidegoko lehendakaritza utzitakoan, lehen mailako politikagintza ere utzi zuen, eta enpresaren munduan murgildu zen. Besteak beste, Tubacex enpresako kontseilari izendatu zuten, eta Ardantzaren izena maiz aipatu zen beste hainbat kargutarako, betiere enpresaren eta ekonomiaren munduari loturik. 1999ko abenduan, azkenik, Euskaltel telekomunikazio enpresak administrazio kontseiluaren presidente izendatu zuen, eta kargu hori du orduz geroztik.
Toki izenakAldatu
- Galdakaoko (Bizkaia) Udalak herriko erdialdeko parke bati Ardanza Lehendakaria izena ipini dio.
ErreferentziakAldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekakAldatu
- Jose Antonio Ardanza eta beste lehendakariak, Eusko Jaurlaritzaren gunean.
Datuak: Q1388792
Multimedia: Jose Antonio Ardanza
| Aurrekoa Carlos Garaikoetxea |
Eusko Jaurlaritzako lehendakaria 1985eko martxoaren 2a - 1999ko urtarrilaren 2a |
Ondorengoa Juan Jose Ibarretxe |
