Jon Kortazar

euskal idazlea

Jon Kortazar Uriarte (Mundaka, Bizkaia, 1955eko urriaren 29a - ) euskal idazle eta literatura kritikaria da.

Jon Kortazar
Bizitza
JaiotzaMundaka1955eko urriaren 29a (68 urte)
Herrialdea Bizkaia, Euskal Herria
Hezkuntza
Doktorego ikaslea(k)Patxi Salaberri
Pako Sudupe
Hizkuntzakeuskara
gaztelania
Jarduerak
Jarduerakidazlea eta literatura-kritikaria
Enplegatzailea(k)Euskal Herriko Unibertsitatea
Jasotako sariak

Inguma: jon-batti-kortazar-uriarte Literaturaren Zubitegia: 74

Biografia

aldatu

Euskal filologian doktore eta euskal literaturako katedraduna da EHUn 1992tik. Fikziozko liburuak ere egin izan dituen arren, bere lan nagusia ikerketa arloan izan da. Literatura kritikaren esparrua gehien landu duen egilea da, eta gaiari buruz argitalpen eta artikulu anitz idatzi ditu, batik bat XX. mendeko literatura eta bereziki poesiari buruzkoak: Teoría práctica poética de Esteban Urkiaga Lauaxeta (1986), Laberintoaren oroimena (1983), Luma eta lurra: euskal poesia 80ko hamarkadan (1987), Jose Maria Agirre, Xabier Lizardi (1896-1933) (1995), Juan Mari Lekuonaren olerkigintza (1997) eta Euskal literaturaren historia txikia (1997). Euskaltzaindiaren Mikel Zarate saiakera saria eskuratu zuen 1981ean. Euskal Herriko zein kanpoko hainbat literatura aldizkaritan eman ohi ditu argitara bere kritika lan eta artikuluak. Aipagarria da, bestalde, 1990ean argitara eman zuen Euskal Literatura XX mendean lana, hamarkada baten buruan hiru edizio izan dituena. Antologia honetan literaturgintzaren alor guztiak aurkeztu ditu, egileak eta haien lanak kronologikoki sailkatuta, eta bakoitza bere testuinguru historiko eta kulturalean kokatuta. Lan horren bigarren edizioa 1994an kaleratu zen, eta hirugarrena, berriz, 2000. urtean. Azken edizioan 1990. urtetik aurrera nabarmendu diren idazleak ere hartu ditu kontuan, eta bibliografia ere osatu du, antologia amaitutzat emanik.

2008: Premio Rosalía de Castro - Centro PEN Galicia.[1]

Bibliografia

aldatu

Irakasleak lan handia egin du orain arte: 170 bat artikulu, 44 kapitulu eta beste hainbat liburu. Hemen garrantzitsuenak biltzen ditugu:

Saiakera

aldatu
  • Mikel Zarateren prosa (BBK-Euskaltzaindia, 1982).
  • Altxorrak eta Bidaiak. Haur kontabideen azterketak (DDB, 1985).
  • Laberintoaren oroimena (Baroja, 1989).
  • Euzkerea eta Yakintza aldizkarietako olerkigintza (Labayru, 1995).
  • Euskal literaturaren historia txikia. Ahozkoa eta klasikoa (XVI-XIX) (Erein, 1997).
  • Leiho-oihalen mugetan (Erein, 1997).
  • Luma eta lurra: Euskal poesia 80ko hamarkadan (BBK-Labayru, 1997).
  • Euskal literatura XX. mendean (Prames, 2000).
  • Diglosia eta euskal literatura (Utriusque Vasconiae, 2002).
  • Euskal kontagintza gaur - La narrativa vasca hoy (Centro de Prof. y Recursos de Cuenca, 2003)
  • Joseba Sarrionandiaren ipuingintza (Utriusque Vasconiae, 2005)
  • Lauaxetaren biblioteka (Gipuzkoako Foru Aldundia, 2006)
  • Postmodernitatea euskal kontagintzan (Utriusque Vasconiae, 2007)
  • Egungo euskal ipuingintzaren historia (Euskal Herriko Unibertsitateko Argitalpen Zerbitzua, 2011)
  • Bitartean New York (Utriusque Vasconiae, 2011)

Biografiak

aldatu
  • Esteban Urkiaga, Lauaxeta (1905-1937) (Eusko Jaurlaritza, 1995).
  • Jose Maria Agirre, Xabier Lizardi (1896-1933) (Eusko Jaurlaritza, 1995).
  • El poeta Gabriel Aresti (1933-1975) (BBK Fundazioa, 2003)

Nobela

aldatu
  • Bidean izan zen, Rosapen (Hordago, 1982).

Kronika

aldatu
  • Pott Banda (Bilboko Udala, 2003).

Haur eta Gazte Literatura

aldatu
  • Isu, haginik ez zuen marraxua (Erein, 1984).

Bestelakoak

aldatu
  • Euskal baladak eta kantu herrikoiak (Palas Atenea, Madrid, 2011). Miren Billelabeitiarekin batera.
  • Pott Banda Ekilibrista Bihotza (1977-1980) (Sorzain Argitaletxea, 2017).

Erreferentziak

aldatu
  1. (Galizieraz) «O reitor da USC preside o acto de entrega dos Premios Rosalía de Castro 2008 do PEN Club Galicia» Universidade de Santiago de Compostela (Noiz kontsultatua: 2020-12-13).

Ikus, gainera

aldatu

Kanpo estekak

aldatu