John Snorri Sigurjónsson
John Snorri Sigurjónsson (Sveitarfélagið Ölfus, 1973ko ekainaren 20a - 2021eko otsailaren 5etik K2 mendian desagertua) islandiar alpinista da. 2017ko maiatzean, Himalaiako Lhotse mendiaren gailurrera iritsi zen lehen islandiarra izan zen, 8.516 metroko altuera duena eta munduko laugarren mendirik altuena dena. Urte bereko uztailaren 28an, K2 mendiaren gailurrera iritsi zen lehen islandiarra izan zen. 2017ko abuztuaren 4an, Broad Peak mendia igo zuen (8051 metro).
| John Snorri Sigurjónsson | |
|---|---|
| Bizitza | |
| Jaiotza | Sveitarfélagið Ölfus, 1973ko ekainaren 20a |
| Herrialdea |  Islandia |
| Heriotza | K2, 2021eko otsailaren 18a (47 urte) |
| Jarduerak | |
| Jarduerak | mendigoizalea |
- Hau islandiar izen bat da: azken izena ez da abizena, patronimikoa baizik. Pertsona hau deitzeko bataio-izena erabiltzen dute.
2021eko otsailean, John Snorri, Ali Sadpara eta Juan Pablo Mohr desagertu ziren K2 igotzen saiatzen ari zirela.
Lehen urteak aldatu
Islandiako Ölfusen jaioa, gaztetan bikain aritu zen kirolean, eta ondoren mendiko eskaladan aurkitu zuen bere pasio fisikoa eta mentala.
Bizitza pertsonala aldatu
John Snorri Lína Móey Bjarnadóttirrekin ezkonduta dago eta sei seme-alabaren aita da.
Ibilbidea aldatu
Bere lehen arrakasta aipagarria Mont Blanc (4.808 metro) izan zen 2011n, Alpeetako mendirik altuena. Hurrengo urteetan munduko gailurrik zailenetako batzuk konkistatu zituen.
- Ama Dablam (6.812 metro) 2015ean
- Elbrus mendia (5.642 metro) 2016an
- Lhotse (8.516 metro) 2017an (gailurrera iritsi zen lehen islandiarra)
- K2 (8.611 metro) 2017an (gailurrera iritsi zen lehen islandiarra)
- Broad Peak (8.047 metro) 2017an
- Cervino (4.478 metro) 2018an
- Breithorn (4.164 metro) 2018an
- Pollux (4.092 metro) 2018an
- Manaslu (8.156 metro) 2019an
Kanpo estekak aldatu
Datuak: Q61081255
