Jesús Glaria Jordán
Jesús Glaria Jordán edo Glaria IV (Alesbes, Nafarroa, 1942ko urtarrilaren 2 – L'Espluga de Francolí, Katalunia, 1978ko irailaren 19) Euskal Herriko futbolaria izan zen. Oberenan hasi eta lehen mailako Club Atlético de Madrid eta RCD Espanyolen aritu zen.
| Jesús Glaria Jordán | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bizitza | |||||||||||||||||||||||||||||||||||||||
| Jaiotza | Alesbes, 1942ko urtarrilaren 2a | ||||||||||||||||||||||||||||||||||||||
| Herrialdea |  Nafarroa Garaia, Euskal Herria | ||||||||||||||||||||||||||||||||||||||
| Heriotza | L'Espluga de Francolí, 1978ko irailaren 19a (36 urte) | ||||||||||||||||||||||||||||||||||||||
| Heriotza modua | istripuzko heriotza: trafiko-istripua | ||||||||||||||||||||||||||||||||||||||
| Familia | |||||||||||||||||||||||||||||||||||||||
| Anai-arrebak | |||||||||||||||||||||||||||||||||||||||
| Familia | ikusi
| ||||||||||||||||||||||||||||||||||||||
| Hezkuntza | |||||||||||||||||||||||||||||||||||||||
| Hizkuntzak | gaztelania | ||||||||||||||||||||||||||||||||||||||
| Jarduerak | |||||||||||||||||||||||||||||||||||||||
| Jarduerak | futbolaria | ||||||||||||||||||||||||||||||||||||||
| |||||||||||||||||||||||||||||||||||||||
Parte-hartzailea
| |||||||||||||||||||||||||||||||||||||||
| Posizio edo espezialitatea | erdilaria | ||||||||||||||||||||||||||||||||||||||
| Izengoitia(k) | Glaria IV | ||||||||||||||||||||||||||||||||||||||
  | |||||||||||||||||||||||||||||||||||||||
- Artikulu hau aitari buruzkoa da; beste esanahietarako, ikus «Jesús Glaria».
Ibilbidea aldatu
Iruñeko Oberena Kirol Elkartean hasi eta gero Club Atlético de Madridek fitxatu zuen. 1960an lehen taldera pasatu zuten eta 1961eko otsailaren 19an debuta egin zuen liga txapelketan, Betisen kontra. Lehen denboraldi honetan taldeak Kopa irabazi zuen eta ligan bigarren geratu zen baina Glariak ez zuen jokatzeko aukera askorik izan. Hurrengo denboraldian Atléticok Europako Errekopa irabazi zuen; Madrilgo taldeak irabazi zuen nazioarteko lehen txapelketa izan zen.
1964-1965 denboraldian ere Kopa irabazi eta ligan bigarren geratu ziren; hurrengoan liga irabazi zuten. Madrilgo Atléticorekin Glariak 8 denboraldi eta 187 partida jokatu zituen liga txapelketan.
1968an Kataluniako RCD Espanyolek fitxatu zuen. Talde horrekin 7 denboralditan aritu zen. Lehenean taldea bigarren mailara jaitsi zen baina berriro lehen mailan 1972-1973an ligan hirugarren geratu ziren; kanpaina honetan Glariak Espanyolek FC Barcelonaren kontra Camp Noun lortu zuen lehen garaipena eman zion gola sartu zuen. 1974-1975 denboraldian erretiratu zen. Oro har 338 partida jokatu zuen lehen mailan eta 12 gol sartu zituen.
Glaria automobil istripuz hil zen 1978ko irailaren 19an; bere 10 urteko semea ere hil egin zen.
Selekzioetan aldatu
Espainiako selekzioarekin 20 aldiz aritu zen. Debuta 1962ko azaroaren 1ean egin zuen Errumaniaren kontra.
Kataluniako futbol selekzioarekin ere behin aritu zen, 1968an[1].
| Selekzioa | Denboraldia | Partidak | Golak |
|---|---|---|---|
| Espainia | 1962–63 | 5 | - |
| 1963–64 | 1 | - | |
| 1964–65 | 2 | - | |
| 1965–66 | 5 | - | |
| 1966–67 | 3 | - | |
| 1967–68 | - | - | |
| 1968–69 | 4 | - | |
| Oro har | 20 | - |
Alesbestarra aldatu
Glariaren familian bost anaia futbolari profesionalak izan ziren; hortik dator "Glaria IV" deitzeko beharra. Alesbes jaioterrian urtero bere eta bere anaia Joséren ("Glaría I") omenezko harrobiko futbol txapelketa antolatzen da.
Erreferentziak aldatu
- ↑ Antoni Closa, Jaume Rius. Selecció Catalana de Fútbol: nou dècades d'història, 1999 Editorial Jaume Rius. ISBN 8492294434
Kanpo loturak aldatu
- (Gaztelaniaz) Glaría LFPren webgunean.
- (Gaztelaniaz) Glariaren fitxa estatuko selekzioko kide gisa.
- (Gaztelaniaz) Hall of fame perico: Jesús Glaría.
Datuak: Q2707858
