Ireki menu nagusia

Jean René Constant Quoy (Maillé, Frantzia, 1790ko azaroaren 10a - Rochefort, 1869ko uztailaren 4a) frantziar kirurgialari, zoologo eta anatomista izan zen.

1806an bere medikuntzako ikerketak hasi zituen Rocheforteko itsas medikuntza eskolan, eta 1808an Antilletara egindako bidaian kirurgialari laguntzailea izan zen. 1814an Montpellierren medikuntzan doktore izendatu zuten eta Reunion uhartera joan zen bidaiko kirurgia nagusia izan zen.

Joseph Paul Gaimardekin batera Uranie itsasontziko naturalista eta kirurgilaria izan zen Louis de Freycineten agindupean, 1817tik 1820an, eta Astrolaben Jules Dumont d'Urvilleen agindupean 1826-1829 epean. Artista gisa ere jaso zituen lausenguak. Astrolaben ontziratua zegoela gaur egun desagertua dagoen Tachygia microlepis aurkitu zuen.

1824an Rocheforteko Itsas Eskolan anatomia irakasten hasi zen, 1832tik 1835era. Toulon eta Bresten jarraitu zuen bere lanarekin.