Jacques Henri Lartigue

Jacques Henri Lartigue (Courbevoie, Frantzia, 1894ko ekainaren 13a - Niza, Frantzia, 1986ko irailaren 12a) frantses argazkilaria izan zen.

Jacques Henri Lartigue
Irudi gehiago
Bizitza
Jaiotzako izen-deiturak	Jacques Henry Charles Auguste Lartigue
Jaiotza	Courbevoie, 1894ko ekainaren 13a
Herrialdea	Frantzia
Heriotza	Niza, 1986ko irailaren 12a (92 urte)
Familia
Seme-alabak	ikusi Dany Lartigue
Hezkuntza
Heziketa	Académie Julian (en)
Hizkuntzak	frantsesa
Jarduerak
Jarduerak	margolaria eta argazkilaria
Parte-hartzailea 1924ko Udako Olinpiar Jokoak
Genero artistikoa	erretratua

Jacques Henri Lartigue Arte Zentrua, L'Isle Adamen.

Biografia

Zazpi urte zituela hasi zen argazkilaritzan, argazkizale porrokatua zuen aitak argazki-kamera bat oparitu zionean. Familia aberatseko semea zen; Belle Epoque garaiko glamour dotorea ezagutu zuen bere inguruan, eta inork baino hobeto betikotu zuen ingurune sofistikatu hura. Geroago mugitzen ziren gauzek erakarri zuten, batez ere lasterketetako automobilek, eta hegazkintzaren lehen saioak islatu zituen bere lanetan.

Antzerkiarekin eta zinemagintzarekin loturiko lanak egiteaz gainera, margolaria ere izan zen Lartigue, eta, besteak beste, Marlene Dietrich eta Greta Garboren erretratuak pintatu zituen. 1963an, New Yorkeko Arte Modernoaren Museoak Lartigueren erakusketa handi bat eskaini zuen, eta 1980an Bonjour, monsieur Lartigue izeneko atzera begirako erakusketa antolatu zen Parisko Grand Palaisen.

Lartigueren lanen artean aipagarriak dira: zuri-beltzean egindako "Frantziako Automobil Klub-aren Sari Nagusiko lehiakidea" (1912), "Argazkiak zigarro eta guzti" (1927) eta "Modaren argazkia" (1980).

Erreferentziak

Wikimedia Commonsen badira fitxategi gehiago, gai hau dutenak: Jacques Henri Lartigue

• Datuak: Q382329
• Multimedia: Jacques-Henri Lartigue / Q382329