Isabel Bakedano

artista espainiarra

Isabel Bakedano Elvira (Mendabia, 1929 - Madril, 2018ko ekainaren 6a) nafar margolaria izan zen, XX. mendearen bigarren erdiko Euskal Herriko artistarik pertsonalenetakoa.[1]

Isabel Bakedano
Bizitza
Jaiotza Mendabia, 1929
Herrialdea  Nafarroa Garaia, Euskal Herria
Heriotza Madril2018ko ekainaren 6a (88/89 urte)
Jarduerak
Jarduerak artista
Enplegatzailea(k) Q77350456 Itzuli
Mugimendua Q86533894 Itzuli

BizitzaAldatu

Zaragozako Arte eta Lanbide Eskolan eta Madrilgo San Fernando Arte Ederren Eskolan egin zituen ikasketak. 1957an, Iruñeko Arte eta Lanbide Eskolako marrazketa eta modelatuko irakasle plaza bereganatu zuen, oposizio bidez, eta 1988ra arte aritu zen bertan.[1]

Haren margolanek lehenbizitik izan zuten izen ona eta aitortza beste sortzaileen artean. 1960ko eta 1980ko hamarkaden artean, adi egon zen garaiko joera artistikoei, eta errealismoaren eta abstrakzioaren eraginpean lan egin zuen. Bakarkako erakusketak egin zituen eta kritika onak jaso. Baina ia hasieratik utzi zion margolanak datatzeari, eta sinadurarik ere ez zien jartzen gehienei. Askotan uzten zituen koadroak erabat amaitu gabe, zirriborro itxurarekin. Angel Bados eskultore eta lagunaren erranetan:[2]

« Haren ibilbideko sasoi guztietan topa daiteke irudikapenaren ezabatze bat. Urteek aurrera egin ahala, orbanez eta arrastoz betetzen hasten dira bere lanak, hain zuzen ere hori delako berak behar duena, irudikapenaz harago dagoena, ezezagun dena, izenik ez duena, azken muturra eta, beraz, sakratu dena, margotu ahal izateko »

1980ko hamarkadaren hasieratik aurrera, ez zuela erakusketarik egin eta albo batera utzi zuen arte mundua. Jarraitu zuen margotzen egunero, eta oso margolan onak egiten, baina ez zuen egindakoa inon erakusten. Madrilera joan zen bizitzera, eta 1989n saiatu zen arte mundura itzultzen Arco azokan, baina ez zitzaion ongi gertatu. Segitu zuen saiatzen, eta 1994ko Arcon lortu zuen. 1994tik 2018ra erlijio artea egin zuen. Izan ere, Adelina Moya arte historialariaren arabera, “oso erlijiozalea zen eta min egiten zion zer-nolako itsustasunak egiten ziren erlijio artean”. Beraz, hil arte jarraitu zuen Bibliako Itun Zaharreko eta Itun Berriko pasarteak irudikatzen.[2]

ErreferentziakAldatu

  1. a b Isabel Baquedano. Edertasunaz eta sakratuaz. museobilbao.com . Noiz kontsultatua: 2019-11-17.
  2. a b Astiz, Iñigo. Irudikagarritasunaren mugan. Berria egunkaria, 2019ko urriak 29, CC BY-SA 4.0, berria.eus . Noiz kontsultatua: 2019-11-17.

Kanpo estekakAldatu