Iñaki Camino

Iñaki Camino
Bizitza
Jaiotzako izen-deiturak	Iñaki Camino Lertxundi
Jaiotza	Donostia, 1963ko ekainaren 21a (60 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Doktorego ikaslea(k)	Amaia Apalauza
Hizkuntzak	euskara; gaztelania
Jarduerak
Jarduerak	unibertsitateko irakaslea eta hizkuntzalaria
Enplegatzailea(k)	Euskal Herriko Unibertsitatea

Iñaki Camino Lertxundi (Donostia, Gipuzkoa, 1963ko ekainaren 21a) euskalaria da, UPV/EHUko Euskal Dialektologiako irakasle katedraduna: bereziki euskal testu zaharrak eta euskal dialektologia lantzen ditu. Nabarmentzekoa da Nafarroa Garaiko eta Ipar Euskal Herriko euskalkien arloan eta dialektologiaren alderdi teoriko-metodologikoan egindako lana.

Euskaltzain urgazlea (2003) eta Euskaltzaindiaren EHHA hizkuntza-atlasaren partaidea (1997-2009). Anuario del Seminario de Filología Vasca “Julio Urkixo”, Fontes Linguae Vasconum eta Euskera aldizkarien zuzendaritzako batzordekidea. Iraganean Ele eta Gogoa aldizkarietan jardun zuen. CNRS erakundearen Iker (UMR 5478) Baionako ikertaldean laguntzailea da.

Nafarroa Garaiko hainbat mintzo aztertu ditu: Aezkoa, Arakil, Goñerri eta Zaraitzukoa eta hego-nafarrera. Donostiarren mintzoa ere aztertu zuen Donostiako Udalaren 1997ko Karlos Santamaria beka irabazi eta baliaturik. Ipar Euskal Herrian, berriz, ipar-mendebaleko Zuberoa, Nafarroa Beherea, Amiküze, Oztibarre, Garaziko mintzoak aztertu ditu eta Lapurdin Aturrialdekoak. Bigarren euskara modernoaz ere (1876-1968) jardun du. Euskalkien egoera zaharraz, berriz, Nafarroa Behere, Zuberoa-Erronkari, Zaraitzu eta Nafarroa Garai-Lapurdi eskualdeetako iraganeko euskara aztertu du.

Testu zahar eta garaikideagoen argitaratzailea da: Juan Beriain (XVII), “Alphonsa Rodriguez” (XVIII), Jean Hiriart-Urruti (XIX) eta Pablo Fermin Irigarai “Larreko” (XX).

Unibertsitateko doktoretza-tesiak zuzendu ditu: Baztan-Bidasoko mintzoa (Edu Zelaieta, 2006), Nafarroako ipar-mendebaleko mintzoa (Amaia Apalauza, 2011), Euskal Herriko mendebaleko euskara zaharra (Eneko Zuloaga, 2020), Garaziko mintzoaren barne-aldakortasuna (Alex Artzelus, 2021) eta Lapurdiko Itsas-hegiko mintzoa (Maitena Duhalde, 2023). Egun Olatz Leturiagaren tesia zuzentzen du Gipuzkoako erdialdeko mintzoaz.

Lanak aldatu

"Argitasun zenbait Aezkoako dotrinei buruz" (1989)
"Aezkerazko testuak (I): Ariako dotrina" (1991)
"Aezkerazko testuak (II): Orbarako dotrinak" (1991)
Aezkoako euskararen azterketa dialektologikoa (1997)
"Zer dago dialektologiaren gibelean?" (1998)
"Goñerriko hizkera" (1999-2001)
"Abiaburu bat Donostiako euskera aztertzeko" (2000)
Hego-nafarrera (2003)
"Nafarroa Behereko euskara" (2004)
"Irizpide metodologikoak egungo Euskal Dialektologian" (2004)
"Euskal soziolinguistikaren atarian" (2005)
"Nafarroa Behereko euskara zaharra" (2008)
"Dialektologiaren alderdi kronologikoaz" (2008)
Dialektologiatik euskalkietara tradizioan gaindi (2009)
"Mugako hiztun eta aldaerak ipar-mendebaleko Zuberoan" (2009)
"Ekialdeko euskararen iraganaz" (2011)
"Pirinioak, ekialdea eta euskal mintzoak" (2011)
"Euskalkien iraganaz: Lapurdi eta Nafarroa Garaia" (2013)
Alphonsa Rodriguez. Jesusen Compaghnaco aitaren guiristhinho perfeccioniaren praticaren parte bat (1782). Edizioa eta azterketa (2013)
"Oztibarreko mintzoaz eta haren lexikoaz" (2015)
Amiküze eskualdeko heskuara (2016)
"Zaraitzuko "uskara" eta Ipar Euskal Herriko berrikuntzen hedadura" (2016)
"Hizkuntza-ospearen eta eragin lektalaren zirurikak Ipar Euskal Herriko jende, mintzo eta idazkietan" (2018)
"Bigarren Euskara Modernoa" (2018)
"An overview of Basque dialects" (2019)
"Soako bat Garaziko mintzoari" (2021)
"On continental Basque dialects and some aspects of their chronology" (2021)
Aztergaiak Ipar Euskal Herriko euskararen berrikuntzez (2022)
"Aturrialdeko heskuararen berrikuntzen kokagune geografikoa"" (2023)
"Lapurdiko mintzoen aurkezpen dialektologikoa" (2024)

Kanpo estekak aldatu

Iñaki Camino, Inguma datu-basean.
Iñaki Caminoren zenbait lan

Datuak: Q12260031

Artikulu hau biografia baten zirriborroa da. Wikipedia lagun dezakezu edukia osatuz.