Horacio Etxebarrieta
Horacio Etxebarrieta Maruri (zenbait tokitan bigarren abizena Mauri idazten dute) (Bilbo, Bizkaia, 1870eko irailaren 15a - Barakaldo, Bizkaia, 1963ko maiatzaren 20a) politikari eta industria-gizon bizkaitarra izan zen.
| Horacio Etxebarrieta | |
|---|---|
 | |
| Bizitza | |
| Jaiotza | Bilbo, 1870eko irailaren 15a |
| Herrialdea |
 Bizkaia, Euskal Herria |
| Heriotza | Barakaldo, 1963ko maiatzaren 20a (92 urte) |
| Familia | |
| Aita | Cosme Etxebarrieta |
| Hezkuntza | |
| Hizkuntzak | gaztelania |
| Jarduerak | |
| Jarduerak | industrialaria, politikaria, bankaria eta enpresaburua |
BiografiaAldatu
Bere aitarengandik hartuak zituen meategi-negozioak indartuz, beste alor askotara ere zabaldu zituen: burdina-meategiak, petrolio-bilaketak, ontzigintza, porlangintza, itsaso eta aire-garraioak, banketxeak. Bizkaian ez ezik, Euskal Herritik kanpo ere jarri zituen enpresak: Cádizko ontzigintza enpresa, Portland Iberia (Toledo), Compañia Aérea de Transportes Iberia (gaur egungo Iberia konpainia), Saltos del Duero (gero Hidroeléctrica Española enpresarekin bat eginik, Iberduero sortu zuena, eta ondoren Iberdrola), eta abar.
Bestalde, Marokoko hainbat pertsona ahaltsurekin zituen harremanak baliatuz, Espainiako Gobernuaren eskariz, Abd el-Krim buruzagiarekin negoziatu eta haren esku zeuden espainiar presoak askatzea lortu zuen (1923).
Denbora batez El Liberal egunkariaren jabea ere izan zen.
ErreferentziakAldatu
Wikimedia Commonsen badira fitxategi gehiago, gai hau dutenak: Horacio Etxebarrieta  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.