Ireki menu nagusia

Homo antecessor

Duela 800.000-1,2 milioi urte bizi izan zen Homo generoko espeziea. Oraindik argitzeko dago, Homo heidelbergensisen aitzindaria den edo biak espezie bera diren. Burgosko Atapuerca mendizerran dago espezie hori aurkitu den aztarnategi bakarra

Homo antecessor Hominidae familiako espezie (edo azpiespezie) bat izan zen, duela 1,2 milioi urtetik 800.000 urteraino bizi izan zena. Atapuercan (Espainia) aurkitu zen José María Bermudez de Castro, Juan Luis Arsuaga eta Eudald Carbonellek gidatutako indusketa batean.[1] Hauen ikerketek Europako gizakirik zaharrenetakoa dela ebatzi zuten. Homo antecessor fosilen lehenengo agerraldia TD6 Dolina Handia edo Aurora estratua deritzon geruza arkeologikoan izan zen. Espezie (edo azpiespezie) honek zalantzak sortzen ditu arkeologoen artean, ez baitakite ongi zein harreman duen Europako beste Homo espezieekin.[2]

Homo antecessor
Homo antecessor.jpg
Sailkapen zientifikoa
ErreinuaAnimalia
FilumaChordata
KlaseaMammalia
OrdenaPrimates
FamiliaHominidae
GeneroaHomo
Espeziea Homo antecessor
Bermudez de Castro et al., 1997

Eduki-taula

Ezaugarri fisikoakAldatu

Homo antecessorren edukiera entzefalikoa gaur egungo gizakiarena baino txikiagoa zen. Handi eta indartsuak ziren, baita gihartsuak ere, baina haien hortzak eta ahoa oso primitiboak ziren. 1,70 metro inguru neurtzen zuten eta haien haurtzaro eta nerabezaroak gaur egun ezagutzen ditugunen antzekoak ziren. Aurkitu diren hezurretatik hainbat datu ondorioztatu dira. Ezkertiak ez zirela badakigu. Hortzak asko erabiltzen zituzten, eta oso higatuta zituzten.

DietaAldatu

Homo antecessorrek barazki ugari jaten zituen, baita ehizatzen zituen animaliak ere. Bere dietaren ezaugarririk deigarriena da kanibalismoa praktikatzen zutela, hau da, gizajaleak zirela.

Atapuercako familiaAldatu

Atapuercako aztarnategian 32 pertsonaren hezurrak aurkitu dituzte, adin eta sexu desberdinetakoak. Haietako 9 gizonezkoak ziren, eta beste 9 emakumezkoak, baina zoritxarrez gainerako hamalauen sexua ezagutzea ezinezkoa da.

Azken datuakAldatu

Gaur egun, Homo antecessor espezie bereizia den ala ez eztabaidatzen da. Adituek ikuspuntu desberdinak dituzte; batzuek diote Homo heidelbergensisen arbasoa dela, eta beste batzuek Atapuercan aurkitutako hezur multzoari emandako izena besterik ez dela.

2008. urtean Homo antecessorren hezur gehiago agertu ziren; 20 eta 30 ute bitarteko gizon baten masailezurra, duela 1,2 milioi urtekoa. 2010ean, Ingalaterran, duela 780000 urteko tresna batzuk aurkitu ziren, eta adituek diote Homo antecessorrek erabili zituela.

ErreferentziakAldatu

  1. Txantiloi:Gaztelera  Menendez, Mario (2012) Prehistoria Antigua de la Península Ibérica UNED 241. orrialdea ISBN 978-84-362-6562-0 .
  2.   Klein, Richard (2009) Hominin Disperals in the Old World The Human Past (2. argitaraldia) 108. orrialdea .
Wikimedia Commonsen badira fitxategi gehiago, gai hau dutenak: Homo antecessor