Hoi-Poi kapsula

Hoi-Poi kapsula (jatorrizko japonieraz ホイポイカプセル edo hoi poi kapuseru ^?) Dragoi Bola manga eta animeko objektu bat da.

Orri honetako testu zati batzuk japoniar idazkerarekin idatzita daude. Euskarri eleaniztun egokirik gabe, galdera ikurrak ikusiko dituzu kanji edo kana karaktereen ordez.

Historia

Hoi-Poi kapsulak Brief Doktoreak, Bulmaren aitak, asmatu zituen Capsule Corp. enpresan. Kapsula hauetan nahi den edozer gauza sar daiteke, adibidez armak, ibilgailuak edo etxebizitzak.

Istorioan zehar Son Gokuren lagunek, eta etsaiek, maiz erabili zuten, batez ere Dragoi Bolaren lehen zatian. Geroago hauen erabilpena gutxitan ikusten da.

Deskribapena

Objektu hauek kapsula txiki batzuk dira. Gainaldean botoi bat daukate, hau sakatzean segundo gutxi batzuen buruan kapsula barruan dagoena irtetzen da. Normalean zenbakituta egoten dira, eta asko garraiatzen direnean kutxa baten barruan eramaten dira, tapan zenbaki bakoitzak daramana deskribatuz.