Hoggar

Hoggar
Hoggar
Datu orokorrak
Mendirik altuena	Tahat
Garaiera	2.908 m
Mota	mendigune, mendikate, goi-lautada eta eskualde kultural
Azalera	50.000 km²
Geografia
Koordenatuak	23°17′19″N 5°32′03″E / 23.28861°N 5.53417°E
Estatu burujabe	Aljeria
Aljeriako probintzia	Tamanrasset probintzia
Geologia
Garaia	Proterozoiko

Hoggar^[1] mendigunea (arabieraz: جبال هقار; tuaregen hizkuntzan: Idurar Uhagga), Ahaggar ere deitua, Aljeriako hegoaldeko mendikatea, Aljerretik 150 km hegoaldera. Ahaggar Aljeriako helburu turistiko garrantzitsuenetako bat da.

Geologia

Eskualdeak 900 metroko batez besteko garaiera du, eta punturik garaiena Tahat mendia da, Atakorren erdian. 3.003 metroko garaiera du, eta Aljeriako gailur garaiena ere bada. Mendigunea, batez ere, harkaitz bolkanikoz osatuta dago, eta Saharako basamortuan eskualde harritsu zabala osatzen du.

Klima

Klima oso beroa da udan, baina neguan, gauez, tenperatura 0 °C-raino jaisten da. Euria urria da, noiz behinkakoa. Hala ere, klima ez da Saharako beste leku batzuetakoa bezain muturrekoa, eta hori dela eta, biodibertsitate handia du.

Herri nomadak

Ahaggar mendigunea Imuhagh edo Kel Ahaggar herriaren, tuaregen tribu baten lurra da. Tamanrasset hiritik hurbil dagoen Abalasa oasian Tin Hinan erreginaren hilobia dago. Legenden arabera, Atlas mendikatearen eskualdeko Tafilalt mendietatik agertu zen han.

Assekrem

Assekrem lekurik ospetsuena da. Bertara aljeriar bisitariak (batez ere, maiatzetik urrira) eta europarrak (urritik maiatzera) maiz joaten dira, bertan bizi izan baitzen Charles de Foucault misiolari frantsesa zenbait hilabetez, 1909ko udan.

Ahoggar mendigunean dago, Tamanrassetetik 80 kilometrora, gutxi gorabehera. Gaur egun 100.000 biztanle inguru ditu.