Hipotiroidismo

Hipotiroidismo gaixotasun endokrinoa da, tiroide guruinak hormona tiroideo gutxi ekoizten duenean agertzen dena. Haurrengan azaltzen den hipotiroidismoari kretinismo deritzo.

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Hipotiroidismoa
Tiroxinaren egitura molekularra
Deskribapena
Mota	gaixotasun tiroidea eritasuna
Espezialitatea	endokrinologia
Sortzen du	mixedema
Asoziazio genetikoa	Zerrenda C1QTNF6 (en) , MTF1 (en) , PDE8B (en) , VAV3 (en) , CTLA4 (en) , TG (en) eta TSHR (en)
Tratamendua
Erabil daitezkeen botikak	lebotiroxina, tiroglobulina eta Tri-iodotironina
Identifikatzaileak
GNS-10-MK	E03.9
GNS-9-MK	244.9
GNS-10	E03.9
GNS-9	244.9
DiseasesDB	6558
MedlinePlus	000353
eMedicine	med/1145
MeSH	D007037D007037
Disease Ontology ID	DOID:1459

Hipofisia eta tiroide guruinaren arteko harremana

Tiroide guruinak bi hormona jariatzen ditu: tiroxina (T4) eta tri-iodotironina (T3). Biek ala biek iodo dute beren molekuletan, eta tirosina aminoazidotik sortzen dira.

Hipotiroidismoak jatorri desberdinak eduki ditzake:

• gaixotasun autoimmunea (Hashimotoren tiroiditisa): immunitate-sistemak eraso egiten dio tiroide guruinari, eta bere endekapena eragiten du. Euskal Herrian hau da hipotiroidismoaren kausa nagusia helduengan.

• iodoaren gabezia: iodoa ezinbestekoa da hormona tiroideoak sintetizatu ahal izateko. Iodorik gabeko dieta batek hipotiroidismo eragin dezake. Hirugarren munduko herrialde askotan (herrialde menditsuetan batez ere: Himalaia, Andeetan...) hipotiroidismoa endemikoa da. Hipotiroidismo mota horren aurka antzinako txinatarrek algetako dieta bat hartu ohi zuten (algek iodo asko baitute).

• kretinismoa: haurren hipotiroidismoa da. Bere sintoma nagusiak honako hauek dira: hazkuntzaren murriztapena, loditasuna, adimenaren atzerapena eta sexu-organoen heldugabetasuna. Itzuliezinezko sintomak dira.

• botika batzuen hartzea

• hipofisiaren tumoreak (TSH hormonaren gabezia sortzen dutenak)

Iodoren gabeziak golo endemikoa sortzen du: asaldura honen sintoma nagusia tiroide guruinaren ez ohiko hazkundea izaten da.

Zergatik handitzen da tiroide guruinak hormona tiroideorik ez dagoenean? Hipofisiak jariatzen duen hormona batek, tirotropinak (TSH), hormona tiroideoen ekoizpena bultzatzen du, tiroide guruinaren gain jarduterakoan. Hormonik ezean, hipofisiak TSH asko jariatzen du, tiroide guruina aktibatzen duena bere hipertrofia eraginez.

Sintomak

• metabolismoaren murriztapena
• idorreria
• loditasuna
• pultsu motela
• depresioa edo tristura
• nekea
• hotzarekiko intolerantzia
• larruazal lehorra

Tratamendua

Hormona tiroideoen administrazioan datza. Levotiroxina da erabiltzen den botika.

Kanpo estekak

• Datuak: Q16501
• Multimedia: Hypothyroidism / Q16501