Gure Aitaren Etxea

Gernika, Txillida

Gure Aitaren Etxea Eduardo Txillidaren eskultura memorial bat da, Gernikan kokatua, 1937ko bonbardaketaren oroigarri.

Gure Aitaren Etxea
Escultura Chillida entera día.jpg
Jatorria
Sortzailea Eduardo Txillida
Sorrera-urtea 1988
Honen izena darama Nire aitaren etxea defendituko dut
Ezaugarriak
Materiala(k) hormigoia eta altzairua
Zabalera 5 metro
Altuera 7 metro
Genero artistikoa arte publikoa eta Arte abstraktua
Kokapena
Herrialdea  Euskal Herria
Probintzia  Bizkaia
Herria Gernika-Lumo
Koordenatuak 43° 18′ 53″ N, 2° 40′ 51″ W / 43.3148°N,2.6807°W / 43.3148; -2.6807Koordenatuak: 43° 18′ 53″ N, 2° 40′ 51″ W / 43.3148°N,2.6807°W / 43.3148; -2.6807

EzaugarriakAldatu

1987an burutu zen obra Txillidaren Hernaniko Zabalaga etxean[1], baina hurrengo urtean kokatu zen Gernikan, Gernikako Arbolatik gertuko parke batean. Eusko Jaurlaritzaren enkarguz egin zuen Txillidak lana, eta Jose Antonio Ardanza lehendakariak inauguratu zuen[2]. Izenburuak erreferentzia egiten dio Gabriel Arestiren poema ezagun bati, Nire aitaren etxea defendituko dut.[3]

Hormigoizko egitura handi bat da, 7 metroko garaierakoa, semizirkularra, eta 18 metro inguruko perimetroaren erdian altzairuzko beste elementu batek osatzen du eskultura. Dagoen puntutik, Santimemiñeko leizearen ingurunea ere ikusten da[3].

1990. urtean, Gure Aitaren Etxetik gertu, beste eskultura monumental bat ezarri zen, Henry Mooreren Large figure in a shelter (irudi handi bat babeslekuan), 1960ko lana[4]. 1991ean bi eskulturen inguruan egokitu ziren, eta inguruaren Europako Herrien Parkea eman zitzaion izena[5].

ErreferentziakAldatu

  1. (Gaztelaniaz) País, Ediciones El. (1987-11-05). «Chillida presenta su escultura "Gure aitaren etxea", un homenaje al pueblo vasco» El País ISSN 1134-6582 . Noiz kontsultatua: 2019-08-04.
  2. (Gaztelaniaz) País, Ediciones El. (1988-04-27). «Inaugurada en Gernika la obra conmemorativa de Chillida» El País ISSN 1134-6582 . Noiz kontsultatua: 2019-08-04.
  3. a b «forma begiradan: Eduardo Chillida, Gure aitaren etxea» www.formabegiradan.net . Noiz kontsultatua: 2019-08-04.
  4. (Gaztelaniaz) País, Ediciones El. (1989-10-04). «Una escultura de Henry Moore para Gernika» El País ISSN 1134-6582 . Noiz kontsultatua: 2019-08-04.
  5. «Gautegiz Arteagako Udala - Europako herrien Parkea (Henry Moore eta Chillidaren eskulturak)» www.gautegizarteaga.com . Noiz kontsultatua: 2019-08-04.

Kanpo estekakAldatu