Club Gimnàstic de Tarragona

Club Gimnàstic de Tarragona
Ezizena(k)	Decano del fútbol
Sorrera	1886
Futbol zelaia	Nou Estadi de Tarragona; edukiera: 14.591 lagun; inaugurazioa: 1972
Presidentea	Josep Mª Andreu
Entrenatzailea	Toni Seligrat
Liga	2.B maila
2019-20	III. multzoko 14.a
Webgunea	Webgune ofiziala

	Etxekoa

	Kanpokoa

Club Gimnàstic de Tarragona edo Nàstic de Tarragona futbol talde katalana da, Tarragona hirikoa. Lau denboraldi egin zituen lehen mailan, gaur egun bigarren mailan ari da.

Nou Estadi de Tarragona.

HistoriaAldatu

SorreraAldatu

Taldea 1886an Tarragonan sortu zen baina futbolaren atala 1914koa da, orduan Club Olímpic futbol taldea bereganatu baitzuen.

1940. hamarkada bikainaAldatu

1943-44 urtean hirugarren mailan jokatzen hasi zen eta 1946-47an Bigarren mailan bigarren eginez lehen mailara iritsi zen. Urte berean Errege Kopako final erdiak jokatu zituen, baina RCD Espanyolek kanporatu zuen. Hau da Errege Kopan lortu duen emaitzarik onena. 1947 eta 1950 artean aritu zen maila gorenean, eta denboraldirik onena lehenengoa izan zuen, zazpigarren egin baitzuen. Dena dela, denboraldi hura ezagun egin zuena beste gertakizun bat izan zen; 1948ko urtarrilaren 11an, inauguratu berria zen Santiago Bernabéu estadioan garaipena lortu zuen, 1-3 emaitzaz, beraz han irabazi zuen lehen futbol taldea izan zen.

3. eta 2. B mailetako urteakAldatu

1950 urtean lehen maila galdu zuen eta 1953an hirugarren mailara jeisti zen. Bertan 19 denboraldi egin zituen 1972an bigarren mailara itzuli zen arte. 1980an bigarren B mailara pasa zen eta bertan egon zen 2004 arte, tartean bi urte hirugarren mailan eta bat bigarren mailna egin zituen.

Bigarren mailan egonkorAldatu

2004an bigarren mailara itzuli eta bertan egonkortu zen. 2006an bigarren postuan amaitu zuen eta lehen mailara igo zen Luis César Sampedro entrenatzaileak gidatuta, 56 urteren ondoren. Urte bete baino ez zuen egin bertan.

Bigarren mailan egin zituen hurrengo urteak. 2011-12 denboraldian lehenengo 11 partidatan ez zuen garaipenik lortu eta amaieran bigarren B mailara jeitsi zen. 2014-15ean bigarren mailara itzultzea lortu zuen eta 3. postuan sailkatu da 2015-16an, igoera emango zion bigarren postutik puntu bakarrera. Play-offeko lehen kanporaketan ezin izan zuen Osasuna garaitu. Hurrengo denboraldietan makalago ibili da eta azken jardunaldian lortu du mantentzea.

UniformeaAldatu

Sorreratik izan ditu gaur egungo koloreak, elastiko gorria, galtza zuriak eta galtzerdi beltzak.





2013-2014





2014-2015





2015-2016





2016-2018





2018-2019

DatuakAldatu

2019-20 barne:

Denboraldiak 1. mailan: 4
Denboraldiak 2. mailan: 21
Denboraldiak 2. B mailan: 26
Denboraldiak 3. mailan: 25
Ligako posturik onena: 7.a Lehen mailan (1947-48)

Azken urteetako ibilbideaAldatu

Urtea	Maila	Postua	Errege Kopa
2003-04	Bigarren B maila	3.a	-
2004-05	Bigarren maila	7.a	3. itzulia
2005-06	Bigarren maila	2.a	3. itzulia
2006-07	Lehen maila	20.a	1/32
2007-08	Bigarren maila	14.a	2. itzulia
2008-09	Bigarren maila	10.a	2. itzulia
2009-10	Bigarren maila	18.a	2. itzulia
2010-11	Bigarren maila	18.a	2. itzulia
2011-12	Bigarren maila	22.a	2. itzulia
2012-13	Bigarren B maila	6.a	1. itzulia
2013-14	Bigarren B maila	4.a	1/32
2014-15	Bigarren B maila	1.a (III multzoa)	3. itzulia
2015-16	Bigarren maila	3.a	3. itzulia
2016-17	Bigarren maila	14.a	1/32
2017-18	Bigarren maila	15.a	2. itzulia
2018-19	Bigarren maila	20.a	2. itzulia
2019-20	Bigarren B maila	14.a	2. itzulia