Georges Ibrahim Abdallah
Georges Ibrahim Abdallah (arabieraz: جورج إبراهيم عبدالله; Kobaiat, Libano, 1951eko apirilaren 2a -) Libanoko militante komunista bat da, kristau maronita jatorriz. Europan arrazoi politikoengatik espetxean denbora gehien daraman presoa da eta, mundu osoan, Palestina-Israel gatazkarekin lotutako arrazoiengatik preso denbora gehien daraman gizona. 2024an 40 urte bete ditu kartzelan.
| Georges Ibrahim Abdallah | |
|---|---|
| Fitxategi:Sticker freedom for Abdallah in Brussels (cropped).jpg | |
| Bizitza | |
| Jaiotza | Al Qoubaiyat (en)  , 1951ko apirilaren 2a (73 urte) |
| Herrialdea |  Libano |
| Lehen hizkuntza | arabiera |
| Familia | |
| Familia | ikusi
|
| Hezkuntza | |
| Hizkuntzak | arabiera ingelesa frantsesa |
| Jarduerak | |
| Jarduerak | militante politikoa |
| Kidetza | Lebanese Armed Revolutionary Factions (en) |
| Sinesmenak eta ideologia | |
| Erlijioa | Eliza katoliko maronita |
Biografia
aldatuLibano iparraldeko errefuxiatuen eremu batean jaioa, Palestinaren Askapenerako Herri Frontean (FPLP) militatzen hasi zen eta 1978an Libanoko Frakzio Armatu Iraultzaileen (FARL) sorreran parte hartu zuen Ibrahim Abdallahk[1]. 1984ko urriaren 25ean atxilotu zuten Lyonen (Frantzia), hasiera batean dokumentazio faltsua zeramala aitzakia hartuta[2]. Gero, ordea, Parisen Mossadeko agente bat eta militar estatubatuar bat hiltzea leporatu, eta epaiketan bizi arteko zigorra ezarri, Estatu Batuek eta Israelek Frantziako Gobernuari egindako presioaren ondorioz. Behin lehenbiziko 15 urteak beteta, 1999az geroztik Abdallahk eskubidea du baldintzapeko askatasuna eskatzeko, eta libre egon liteke, beraz[3], baina hainbat aldiz ukatu diote aitzakiak jarriz, gehienbat damutu ez izana[4].
Askatzearen aldeko kanpainak
aldatuIbrahim Abdallah Lannemezango espetxean dago preso. Bera askatzeko kanpaina bat baino gehiago egin dira, giza eskubideen aldeko hainbat elkartek deituta, Europan, Libanon nahiz Palestinan. 2014an, 30 urte preso bete zituenean, hamalau hautetsik —diputatu, senatari, alkate eta lurralde kontseilariak— gutun bat igorri zioten Frantziako presidente François Hollanderi, eskatuz presoa libre utz zezala eta Libanora itzultzen utz ziezaiola[4]. 2024ko urrian, askatzeko hamaikagarren eskaera plazaratu dela, ezkerreko zenbait erakunde, Palestinaren aldeko taldeak eta giza eskubideen defentsarako elkarteak antolatu dira Abdallahri elkartasuna adierazteko. Hautetsi, artista, idazle, irakasle eta jurista talde batek presoaren heriotza zigor "zuria" salatu dute manifestu batean, bizi arteko zigorrak presoak pixkanaka hiltzea dakarrela esanez[5].
Erreferentziak
aldatu- ↑ (Ingelesez) Qui est Georges Abdallah ? – Fedayin. (Noiz kontsultatua: 2024-10-14).
- ↑ (Katalanez) «Qui tem Georges Ibrahim Abdal·lah? - Mail Obert - VilaWeb» VilaWeb.cat (Noiz kontsultatua: 2024-10-14).
- ↑ (Katalanez) «Concediran per fi la llibertat a Georges Abdal·là, després de quaranta anys de presó?» VilaWeb (Noiz kontsultatua: 2024-10-14).
- ↑ a b «Georges Ibrahim Abdallahek bihar beteko ditu 30 urte preso», Berria, 2014-10-24
- ↑ (Frantsesez) «Refusons la peine de mort lente infligée à Georges Ibrahim Abdallah - L'Humanité» https://www.humanite.fr 2024-06-13 (Noiz kontsultatua: 2024-10-14).
Kanpo estekak
aldatu- BERRIAk 2014ko ekainean argitaratutako presoari eginiko elkarrizketa
- Fedayin, Georges Abdallahren borroka (dokumentala)
- Elkarrizketa Abdallahren abokatuarekin, ARGIA aldizkarian (2024-10-16)
Datuak: Q3102918
Multimedia: Georges Ibrahim Abdallah / Q3102918
.jpg){kind=link}