Gehigarri (Mozilla)

Gehigarriak software moduluak dira Mozilla aplikazio nagusiekin txertatzeko. Firefox edo Thunderbird aplikazioek milaka gehigarri dauzkate. Hiru mota daude: hedapenak, gaiak (itxurak), pluginak eta hiztegiak.

Itzuli Mozilla gehigarriaren ezaugarriak. (Pantaila argazkia).

Gehigarriak, milaka izanik, multzoka eskaintzen dira. Badaude erabiltzaileari pribatutasun edo segurtasun handiagoa eskaintzen dizkioten gehigarriak, badaude informazioa eskaintzen dutenak (esate baterako, non daukan ostatua zerbitzu ematen ari zaigun webgunea), badaude deskargak egitea errazten duten gehigarriak, publizitate iragarkiak iragazten dutenak, cookieak ezabatzen dituztenak, etab.

Euskaraz

Badaude euskaldunentzat interes berezia duten zenbat Mozilla gehigarri. Esaterako, eskuineko pantaila argazkian Itzuli+ gehigarria ikusten da.

Hainbat hizkuntzatako hiztegi eta euskarazko hiztegiak azkar erabiltzeko aukera ematen du Euskalbar gehigarriak. Lehen hitza euskaraz gehigarriak gure nabigatzailean ezarriz gero, bizpahiru hizkuntzatan dauden webgune atarietan gure hizkuntza gustukoena, aldez aurretik, euskara dela adierazteko balio du.

Xuxen gehigarria gure Firefox nabigatzailean Xuxen aplikazioa gehigarri baten bidez txertatuz gero, orrazketa ortografikoa berehalakoan egin daiteke nabigatzailea dela medio idazten diren testuetan.

Datraolat gehigarria izenak eta deklinabide atzizkiak bereizteko aukera ematen du, marratxo baten beharrik gabe.

Gehigarriak Software librea izanik, hizkuntza paketeak edozein hizkuntzatara itzul daitezke.

Ikus, gainera

• Mozilla Firefox.
• Mozilla Thunderbird.
• Xuxen.

Kanpo estekak

• Firefox nabigatzailearentzako gehigarriak.
• Thunderbird posta-kudeatzailearentzako gehigarriak.
• Librezale.eus: Firefox gehigarri gomendagarri batzuk.

• Datuak: Q7593080
• Multimedia: Mozilla add-ons / Q7593080