Gaudeamus igitur

Gaudeamus igitur
Jatorria
Argitaratze-data	1287
Izenburua	Gaudeamus igitur, iuvenes dum sumus
Ezaugarriak
Hizkuntza	latina

Gaudeamus igitur latinezko abesti bat da, Mendebaldeko kulturako unibertsitateetan ereserkitzat hartu eta graduazio eta bestelako ekitaldi nagusietan kantatzen dena. Ereserkiaren benetako izenburua De brevitate vitae (Bizitzaren laburtasunaz) da, baina ezagunagoa da ereserkiaren lehenengo bertsoko hitzekin: Gaudeamus igitur, euskaraz Poz gaitezen, beraz.

Antzinako unibertsitate askotan, edari alkoholdunak hartzean abesteko kantutzat zen ezaguna, eta abesti ofiziala da eskola, unibertsitate, erakunde, eta ikasle elkarte frankotan.

Historia aldatu

Ereserkiko bertso zenbait Parisko Bibliothéque nationale de France liburutegian gordetzen den 1287ko eskuizkribu batean agertzen dira. XVIII. mendean bertsoak alemaniera itzuli eta garai harteko ikasleen ereserki bihuru zen. Egun ezagutzen den behin betiko latinezko bertsioa ere orduan finkatu zen. Abestiaren melodia Lieder für Freude der Geselligen Freunde (Leipzig, 1788) izeneko idazkian agertzen da. XVIII. mende bukaerarako oso ezaguna zen eta Ameriketako Yale Unibertsitatean ere kantatzen zen. XIX. mendean, Johannes Brahms konpositoreak 1881 urteko Akademische Fest-Ouverture konposizioan sartu zuen ereserkia.

Ereserkiaren hitzak aldatu

Latinez	Euskaraz
Gaudeamus igitur Juvenes dum sumus (bis). Post jucundam juventutem Post molestam senectutem Nos habebit humus.	Poz gaitezen, beraz Gazte garen bitartean Gaztaro alai eta gero, Zahartzaro neketsu eta gero, Lurrak hartuko gaitu eta.
Ubi sunt qui ante nos In mundo fuere? Vadite ad superos Transite in inferos Hos si vis videre.	Non dira gure aurreko haiek, Munduan zirenak? Joan zeruetara Jaitsi infernuetara Haiek nahi badituzue ikusi.
Vivat academia! Vivant professores! Vivat membrum quodlibet Vivant membra quaelibet Semper sint in flore.	Biba akademia! Biba irakasleak! Biba ikasle bakoitza! Biba ikasle guztiak! Izan daitezen beti argitan!
Vita nostra brevis est Brevi finietur. Venit mors velociter Rapit nos atrociter Nemini parcetur.	Gure bizitza laburra da, Laster bukatuko da. Heriotza azkar dator Erruki gabe garamatza Inor barkatu gabe.
Vivat nostra societas! Vivant studiosi! Crescat una veritas, floreat fraternitas, patriae prosperitas.	Biba gu eta gutarrak! Biba ikasten dutenak! Gora egia bakarra! Gora adiskidetasuna eta aurrera aberria!
Vivant omnes virgines Faciles, formosae. Vivant et mulieres Tenerae amabiles Bonae laboriosae.	Biba neskatxa guztiak, jator eta eder! Biba emakumeak, samur eta maitagarri, gozo eta langile!.
Vivat et respublica et qui illam regit. Vivat nostra civitas, Maecenatum caritas Quae nos hic protegit.	Gora errepublika ere, eta hura gobernatzen duena! Gora hiri gurea, eta babesleen eskuzabala, hemen hartzen gaituena!
Pereat tristitia, pereant osores. Pereat diabolus, quivis antiburschius, atque irrisores.	Akabo tristura, Akabo gorrotoa. Akabo deabrua, Akabo ikasle-etsaiak ere, eta burla egiten dutenak.
Alma Mater floreat quae nos educavit, caros et conmilitones dissitas in regiones sparsos congregavit.	Lora dadin gure ikastetxea,⁽¹⁾ hezi egin gaituena, adiskide maiteak, handik eta hemendik sakabanatuak, bildu dituena.

⁽¹⁾ Hitzez hitz, «gure ama den arima» dio, ikastetxea aipatzeko metaforatzat.

Ereserkiak ez du euskarazko bertsiorik eta emandako itzulpena moldaketa bat besterik ez da, latinezko bertsioaren esanahia argitzeko. Bertsio ezberdinetako bertsoak batera bildu dira. Bertsio batzuetan Biba neskatxa guztiak ... edo Lora dadin ... neurtitzak ez dira agertzen. Bertso bakan batzuk ere ezberdinak dira bertsioa zein den.

Kanpo loturak aldatu

(Gaztelaniaz) Historia eta ereserkia bera online entzuteko

Datuak: Q203937
Multimedia: Gaudeamus igitur / Q203937