Gasteizko Hiri Garraioa

Gasteizi zerbitzua ematen dion hiriko autobus sarea
Artikulu hau Gasteizko hiriko autobus sareari buruzkoa da; Gasteizko Udalako enpresa publikoari buruzkoa beste hau da: «TUVISA».

Gasteizko Hiri Garraioa Gasteiz arabar hiriburuan dagoen hiriko autobus sarea. Sareak Gasteiz hiriko hiri-eremu osoa hartzen du, Eratzun Berdearen barruko auzo guztietara iristen da, eta Euskotren Tranbiak lan egiten duen Gasteizko tranbiak osatzen du. 2015eko otsailaren 27an, 17 linea ditu: 10 egunezkoak, 5 gauezkoak eta 3 bereziak.

Gasteizko Hiri Garraioa
Bus MB Citaro G Tuvisa 64.jpg
Sareko autobus bat Katedral Berria geldialdian
Datu orokorrak
Garraio motaHiriko autobusa
EskualdeakGasteiz,  Araba
Line kopurua17
Geltokiak592
JabeaGasteizko Udala
Webguneawww.vitoria-gasteiz.org
Ustiapena
Hasiera1967ko urtarrilaren 1a (54 urte)
EragileakTUVISA
Datu teknikoak
Luzera299,4 km
Abiadura maximoa50 km/h
 Egunezko mapa
Gasteizko autobus sarea 2015.svg
 Gauezko mapa
Gasteizko gautxori sarea 2014.svg

Sarea 1967ko urtarrilaren 1an inauguratu zen, eta hainbat birmoldaketa jasan zituen historian zehar. Berrienak 2009 eta 2015ekoak izan ziren, sarearen egungo egoera zehaztu zutenak.

IdentitateaAldatu

Bi autobus mota daude. Gehienak antzinako eredukoak dira, non autobusak erabat grisak diren. Aurrealdean, TUVISA enpresaren logotipo zaharra ageri da. Alboetan logotipoa eta Gasteizko Udalako armarria daude.

Azken urteotan, sarearen irudia berritu egin da. Horrela, autobus berriak berdez eta zuriz margotuta daude. Aurrealdeak, bai eta alboen goialdeak ere, kolore berdea jasotzen dute, eta atzealdeak eta alboen behealdeak, berriz, zuria. Halaber, TUVISAren logo berritua autobusetan ere agertzen da, baina diskretuagoa: behealdean, ezkerraldean, eta gidariaren leihatilaren gainean.

     
Diseinu zaharra Diseinu berria

HistoriaAldatu

Gasteizko autobus sarea TUVISAk ustiatu izan du beti, 1967ko urtarrilaren 1an sortu zenetik.

Bere historian zehar, hainbat aldaketa jasan zituen, lineak sortu, ezabatu, desbideratu, handitu, moztu eta abar zirelarik. Nabarmenena 13. linea kentzea izan zen, 2008ko abenduaren 23an, tranbiaren inaugurazioaren ondoren.

Hauxe zen sarearen egoera 2009ko urriaren 29an:

Linea Izena Luzera (km) Geldialdiak Maiztasuna
1 Zirkunbalazioa 1 8,78 20 15'
2 Zirkunbalazioa 2 8,74 23 15
3 Abetxuku-Katedrala 11,47 24 15'
4 Zaramaga-Katedrala 6,38 16 15'
5 Gamarra-Prado kalea 19,25 32 30'
6 Jundiz-Nafarroako Erregeak 22,31 28 -
7 Aranbizkarra-Sansomendi 14,17 34 20'
8 Arana-Sansomendi 14,27 37 20'
9 Armentia-Errekaleor 14,85 38 30'
10 Astegieta-Adurtza 22,20 54 30'
11 Salbatzailearen hilerria 14,50 13 -
12 Lakua-Katedrala 7,94 20 12'
13 Txagorritxu-Katedrala 10,16 28 15'
14 Donostia-Katedrala 9,66 22 20'
15 Alde Zaharra 4,48 10 30'
16 Periferikoa 1 11,30 17 20'
17 Periferikoa 2 11,00 17 20'
18 Salburua-Zabalgana 12,21 30 30'


Sare berriaAldatu

2009ko urrian Gasteizko Udalak autobus zerbitzua berregituratu zuen, lehen zeuden lineak, gehien bat auzoetatik hiriko erdigunera joateko zirenak, guztiz ezabatuz eta egitura ortogonal baten antz gehiago zuen sarea osatuz 9 linearen bidez (horietako 4, izatez, aurkako noranzkoan doazen 2 linea dira). Sare berriaren ezarpenak 3 helburu bete nahi zituen: maiztasunak handitzea (20-30 minututik 10 minutura igaro ziren), auzoetan sartuko ez ziren linea zuzenagoak eratzea autobusen abiadura komertziala handitzeko, eta metro sare baten modura funtzionatuko zuen sare bat osatzea.[1]

Sarea, beraz, honela geratu zen:[2]

Egunezko lineak Gauezko lineak Linea bereziak
   IntermodalKatedral
   ZaramagaMendizorrotza
   BetoñuZumakadi
   LakuaMariturri
   SalburuaSansomendi
   ZabalganaSalburua
   BorinbizkarraErrekaleor
   IntermodalUnibertsitatea
   GamarraZumakadi
   LakuaAbetxuko
   AdurtzaSalburua
   ArmentiaZabalgana
   SansomendiLakua
   KatedralZaramaga
   SalburuaAranbizkarra
E1 LovainaSalbatzailearen hilerria
E2 Alde Zaharra
E3 Fernando Buesa Arena
Egunezko mapa Gauezko mapa
   

2010eko urrian berriro egin ziren aldaketak sarean. Kasu hartan moldaketak txikiagoak izan ziren, hamasei hain zuzen, batez ere herritarrek egindako hainbat eskaerari erantzuteko. Horregatik, Aldaian anezka bat sartu zen.

2012ko irailean, Abetxukurako tranbia zerbitzuan jarri zela aprobetxatuz, zenbait berrikuntza egin ziren Salbururako lineetan.[3]

2013an, autobus-zerbitzua Larrein (otsailean,   rekin) eta Borinbizkarra eta Elejalde (irailean,   rekin) auzoetara hedatu zen.

2014an, zerbitzua Arabako Unibertsitate Ospitaleko eraikin berrira luzatu zen,   linearen eskutik. Gainera,   linea (KatedralZaramaga) kendu zen, bere ibilbidearen zati handi bat   lineak hartuz. Gainera, E2 linea (Alde Zaharra) ere desagertu egin zen.[4]

2015eko otsailaren 27tik   lineak (AldaiaLarrein) Aldaiako anezka ordezten du.[5]

Flota berritzeaAldatu

2017an, TUVISAk asmo handiko plan bat garatu zuen bere flota berritzeko. Plan horrek autobus berriak sartzea aurreikusi zuen, egungoen ordez, modu iraunkorrean. Horrek esan nahi du hortik aurrera autobus hibridoak baino ez dituztela erosiko, eta hori nahiko berria da flota zaharkitu samar batean, Iruñerriko Eskualdeko Hiri Garraioa bezalako beste garraio-sare batzuekin alderatuta.[6]

Enpresak merkatuan eskuragarri dauden autobus-eredu ugari aztertu zituen, eta honako eredu hauek nabarmendu zituen:

Vectia Veris 12 Hybrid MAN Lions City 12C Hybrid Volvo 7700 Hybrid Volvo 7900 Hybrid
       

Urte horretako abenduan, administrazio kontseiluak Vectia nafar enpresaren ereduaren alde egin zuen, horrela, udal sarean MAN markaren 20 urteko nagusitasunari amaiera emanez. TUVISAk Vectiaren alde egiteko erabilitako argudioen artean daude erregaia aurreztea edo beste hiri batzuetan sendotzea, Iruñean, esaterako. Izan ere, eskualdeko garraio-sareak eredu horretako 9 autobus zituen 2017an, horietatik 6 erabat elektrikoak.[7][8]

Planarekin jarraituz, 2018ko irailean 5 autobus iritsi ziren, eta 2019an beste 5; horrela, flotaren % 51 edo gehiago hibridoa edo elektrikoa izateko bidea erraztu zen 2025ean.[9]

SareaAldatu

Egunezko lineakAldatu

Hiru lineak hiriaren iparraldea eta hegoaldea lotzen dute, eta beste hiruk ekialdea eta mendebaldea. Gainerako hirurek hiria inguratzen dute (bik erdigunetik hurbilago eta besteak kanporagotik), gainontzeko lineak elkarrekin lotuz. Egitura hau bidaiariek linea aldaketak egin ditzaten errazteko pentsatuta dago.

Lineak 10 dira:

Linea Ibilbidea Hasiera Luzera (km) Geldialdiak
    Zirkularra: AranbizkarraAriznabarra 2009ko urriaren 30a 7,9 20
    Periferikoa: ZaramagaZumakadi 2009ko urriaren 30a 10,2 25
    BetoñuZumakadi 2009ko urriaren 30a 7,3 18
    LakuaMariturri 2009ko urriaren 30a 8,4 23
    SalburuaSansomendi 2009ko urriaren 30a 7,6 20
    ZabalganaArkaiate 2009ko urriaren 30a 9,4 25
    BorinbizkarraSalburua 2009ko urriaren 30a 7,9 18
    Unibertsitatea: GazalbideZumakadi 2009ko urriaren 30a 8,1 20
    GamarraZumakadi 2009ko urriaren 30a 6,0 16
    AldaiaLarrein 2015eko otsailaren 27a 9,0 20

Gauezko lineakAldatu

Gauez aritzen diren lineei dagokienez, Gautxori deritzon sistema dago indarrean. 30 edo 60 minutuko maiztasuna daukaten 5 linea daude:

Linea Ibilbidea Hasiera Luzera (km) Geldialdiak
    LakuaAbetxuko 2009ko urriaren 30a 10,4 15
    AdurtzaSalburua 2009ko urriaren 30a 10,3 23
    ArmentiaZabalgana 2009ko urriaren 30a 9,9 17
    SansomendiLakua 2009ko urriaren 30a 10,0 19
    SalburuaAranbizkarra 2009ko urriaren 30a 6,6 12

Linea bereziakAldatu

Gainera, bi linea berezi daude, hainbat arrazoirengatik aktibatzen direnak eta sarearen eskaintza osatzen dutenak:

Linea Ibilbidea Hasiera Luzera (km) Geldialdiak
 E1 LovainaSalbatzailearen hilerria 2009ko urriaren 30a 7,5 7
 E3 EuropaFernando Buesa Arena 2009ko urriaren 30a 6,5 5

UstiapenaAldatu

Sarea Gasteizko Udalarena da eta TUVISAk ustiatzen du.[10]

FlotaAldatu

TarifakAldatu

Eskudirutan edo BAT txartelekin ordain daiteke. Gasteizko tranbia ez bezala, BARIK eta MUGI txartelak ezin dira oraindik Gasteizko Hiri Garraioa sarean erabili.[11]

ESKUDIRUTAN
Txartela Egunezko lineetan Gauezko lineetan Line berezietan
Txartel arrunta 1,40 € 1,85 € 1,40 €
Txartel arrunta (familia ugariak) 1,10 € 1,40 € 1,10 €
Txartel arrunta (familia ugari bereziak) 0,70 € 0,90 € 0,70 €
BAT TXARTELAREKIN
Txartela Egunezko lineetan Gauezko lineetan Line berezietan
BAT Orokorra 0,60 € 1,39 € 0,60 €
BAT Orokorra familia ugariak 0,48 € 1,11 € 0,48 €
BAT Orokorra familia ugari bereziak 0,30 € 0,70 € 0,30 €
BAT Berezi 0,15 € 1,39 € 0,15 €
BAT Berezi familia ugariak 0,12 € 1,11 € 0,12 €
BAT Berezi familia ugari bereziak 0,08 € 0,70 € 0,08 €
BAT Pertsonalizatua 0,15 € 1,39 € 0,15 €
BAT Pertsonalizatua hobari soziala 0,15 € barne 0,15 €
BAT Pertsonalizatua hobari soziala familia ugariak 0,12 € 1,11 € 0,12 €
BAT Pertsonalizatua hobari soziala familia ugari bereziak 0,08 € 0,70 € 0,08 €
BAT 30D (nahi beste bidai, 30 eguneko epean) 30,00 € ez dago barne 30,00 €
BAT 30D familia ugariak 24,00 € ez dago barne 24,00 €
BAT 30D familia ugari bereziak 15,00 € ez dago barne 15,00 €
BAT 30D Gaztea 25,50 € barne 25,50 €
BAT 30D Gaztea familia ugariak 20,40 € barne 20,40 €
BAT 30D Gaztea familia ugari bereziak 12,75 € barne 12,75 €
ABONAMENDUAK
Txartela Egunezko lineetan Gauezko lineetan Line berezietan
Eguneko abonua 5,00 € barne 5,00 €
Eguneko abonua familia ugariak 4,00 € barne 4,00 €
Eguneko abonua familia ugari bereziak 2,50 € barne 2,50 €
Bi egunerako abonua 7,50 € barne 7,50 €
Bi egunerako abonua familia ugariak 6,00 € barne 6,00 €
Bi egunerako abonua familia ugari bereziak 3,75 € barne 3,75 €
Hiru egunerako abonua 10,00 € barne 10,00 €
Hiru egunerako abonua familia ugariak 8,00 € barne 8,00 €
Hiru egunerako abonua familia ugari bereziak 5,00 € barne 5,00 €

BidaiariakAldatu

IrudiakAldatu

ErreferentziakAldatu

  1. (Gaztelaniaz) Gasteizko Mugikortasun Iraunkorraren eta Espazio Publikoaren Planaren 1. fasea: autobus sarearen ezarpena
  2. (Gaztelaniaz) Gasteizko autobus sarearen mapa
  3. Gasteizko Udala. Udalak zabaldu egingo du hiri autobusen zerbitzua bihartik aurrera Salburuko bizilagunentzat « Prentsa oharrak. (Noiz kontsultatua: 2021-08-23).
  4. Wayback Machine. (2007-08-12). «TUVISA zerbitzuaren birmoldaketa» web.archive.org (Noiz kontsultatua: 2021-08-23).
  5. «Vitoria-Gasteizko Udalaren web-orria - L10 linea sortu berria eta aldaketak. Oharra» www.vitoria-gasteiz.org (Noiz kontsultatua: 2021-08-23).
  6. (Gaztelaniaz) «Gasteizek kolorea aldatu die autobusei, hamarkada batean bigarrenez» ELMUNDO 2016-03-04 (Noiz kontsultatua: 2021-08-23).
  7. (Gaztelaniaz) «CAF taldeko Vectiak hamar autobus hibridoak emango dizkio Tuvisari, 3,3 milioiren truke» El Correo 2017-12-20 (Noiz kontsultatua: 2021-08-23).
  8. (Gaztelaniaz) «VECTIAk 5 autobus berri emango dizkio TUVISAri» www.revistaviajeros.com (Noiz kontsultatua: 2021-08-23).
  9. (Gaztelaniaz) Alava, Noticias de. «TUVISA eta gidariak ez datoz bat autobus hibridoekin» www.noticiasdealava.eus (Noiz kontsultatua: 2021-08-23).
  10. «Vitoria-Gasteizko Udalaren web-orria - TUVISA. Hiri autobusak» www.vitoria-gasteiz.org (Noiz kontsultatua: 2021-08-23).
  11. «Vitoria-Gasteizko Udalaren web-orria - Garraio publikoa - Tarifak, aldaketak eta ordaintzeko moduak» www.vitoria-gasteiz.org (Noiz kontsultatua: 2021-08-23).

Ikus, gaineraAldatu

Kanpo estekakAldatu