Galaxia irregular

Galaxia irregularra galaxia kiribilak edo eliptikoak ez bezala, itxura zehatzik ez duen galaxia da.^[1]^[2] Hori dela eta, sailkaezina da Hubbleren sekuentzian. Gainera, formari dagokionez, gehienetan, kaotikoa da, erraboil galaktikorik edo beso kiribilik gabekoa.

Beste bi galaxia motekin alderatuz, askoz urriagoak dira kopuruari dagokionez. Bestalde, uste da kanpo indar grabitatorio bat izan daitekeela galaxia irregular baten itxuragabetasunaren eragilea.

Motak

Hiru galaxia irregular mota nagusi daude:

Irr-I galaxia (Irr I) nolabaiteko egitura erakusten duen galaxia irregularra da, baina Hubbleren sekuentzian sailkagaitza dena. Bi azpitalde daude:
- Nolabaiteko egitura kiribila duenari Sm galaxia deritzo.
- Inolako egitura kiribilik ez duenari Im galaxia deritzo.
Irr-II galaxia (Irr II) Hubbleren sekuentzian sailkatzeko egiturarik ez duen galaxia irregularra da.
dI-galaxia (dIrr) galaxia nano irregularra da.

Erreferentziak

↑ Arregi Bengoa, Jesus. (1991). «Hubble-ren galaxi sailkapena» (pdf) Elhuyar Aldizkaria (Noiz kontsultatua: 2018ko urriaren 8a).
↑ Elhuyar Fundazioa. (pdf) Unibertsoa. (Noiz kontsultatua: 2018ko urriaren 8a).

Ikus, gainera

Kanpo estekak

Datuak: Q190397
Multimedia: Irregular galaxies / Q190397

[1] Arregi Bengoa, Jesus. (1991). «Hubble-ren galaxi sailkapena» (pdf) Elhuyar Aldizkaria (Noiz kontsultatua: 2018ko urriaren 8a).

[2] Elhuyar Fundazioa. (pdf) Unibertsoa. (Noiz kontsultatua: 2018ko urriaren 8a).

[1]

[2]