Foruko geltokia

Forua
Lineak
Kokapena
Helbidea	Elejalde auzoa, 70; 48393
Udalerria	Forua, Bizkaia
Geltokiaren datuak
Gunea	4. gunea
Irekiera	1893ko martxoaren 15a
Irisgarria
Zerbitzuak
Nasak	1
Trenbideak	1
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Bermeo

43°19′57″N 2°40′24″W / 43.332391°N 2.673417°W

Forua Euskotren Trena eragilearen E4 lineari dagokion lurgaineko geralekua da, izen bereko udalerriko Elejalde auzoan dagoena. 1893ko martxoaren 15ean ireki zen eta Bizkaiko Garraio Partzuergoaren 4. tarifa-gunearen barruan dago.

Geralekua Zornotza-Gernika trenbidea Sukarrietaraino luzatzearekin batera ireki zen. Luzapen honen geltokien eraikinen diseinuak oso sinpleak eta eraikuntza kalitate eskasekoak ziren, Zornotza-Gernika tarteko geltokiekin alderatuta. Hala, Foruko geralekuan zurezko egituradun adreiluzko eraikin bat proiektatu zen, bi solairukoa eta nasa bakarrekoa. 90ko hamarkadan, eraikuntzaren egoera txarra zela eta, eraistea erabaki zen, eta gaur egun txarteldegiak jasotzen dituen markesina sinplez baino ez dago hornituta.

Geralekuak nasa eta trenbide bakarra du, eta kanpoaldean doako aparkaleku txiki bat dago.

Kokapena

Trenbide kokapenari erreparatuz, geralekua zabalera metrikoa duen Zornotza-Bermeo trenbidearen parte da, 16,541. puntu kilometrikoan kokatuta.^[1]

Sarbideak

Geralekuak sarbide bakarra du, malda handia duen arrapala bidezkoa eta doitu gabeko aparkaleku baten ondoan kokatuta. Hala, nahiz eta geralekua irisgarria izan, heltzea zaila izan daiteke mugikortasun urriko pertsonentzat.^[2]