Wikipedia

Felix Zubia

mediku eta komunikatzailea

Felix Zubia Olaskoaga (Zarautz, 1974ko urriaren 13a) mediku zarauztarra da, Donostia Unibertsitate Ospitaleko Zainketa Intentsiboetako Unitatean (ZIU) lan egiten duena. EHUko irakaslea ere bada.

Felix Zubia

Bizitza
JaiotzaZarautz, 1974ko urriaren 13a (50 urte)
Herrialdea Gipuzkoa, Euskal Herria
Hezkuntza
HeziketaEuskal Herriko Unibertsitatea 2009) doktoretza : medikuntza
Hizkuntzakeuskara
gaztelania
Jarduerak
Jarduerakmedikua, unibertsitateko irakaslea eta bertsolaria
Enplegatzailea(k)Osakidetza  (2004ko uztailaren 1a -
Euskal Herriko Unibertsitatea  (2006ko irailaren 1a -
Jasotako sariak
Inguma: felix-zubia-olaskoaga

Osasuna, komunikazioa eta dibulgazioa egunerokoan uztartzen ditu. Igandero Osasun Etxea irratsaioa egiten du Euskadi Irratian, osasungaiak jorratzeko eta argitzeko. Berria egunkarian ere kolaboratzailea da.[1]

Bertsolaria

aldatu

Bertsotan ere jarduten du. Hitza eta jakintza, hizkuntza eta ezagutza, lagun eta tresna ditu medikuak.[2][3][4][5][6] Covid-19 pandemia garaian Donostia ospitaleko ZIUko langileek «elkar zaintzeko» eskatu zioten jendarteari Zubiaren bertsoak abestuta.[7]

Txapelketak

aldatu

Euskarazko dibulgazio-lana

aldatu

Aitzindarietako bat izan da osasun arloko gaietan euskaraz dibulgatzen. irrati-saioak, liburuak, dibulgazio-artikuluak eta iritzi artikulu ugari plazartu ditu.

Irrati-saioak

aldatu

Euskadi Irratiko Osasun etxea saioan Felix Zubia medikuak entzuleen zalantzak argitzen saiatzen da igandero . Gaixotasun bakoitzaren nondik norakoak azaltzen ditu medikuak bere kontsultan Arantza Arza kazetariaren laguntzaz.[8]

Liburuak

aldatu
  • Elektrokardiografia klinikoa. Karlos Ibarguren Olalderekin idatzitakoa. (2007, Elhuyar) [9]

Dibulgazio-artikuluak

aldatu

Osasun-zientziez euskaraz argitaratzen den Osagaiz aldizkari akademikoan kolaboratzailea da. Bi elkarteren artean egiten dute aldizkaria: Osasungoa Euskalduntzeko Erakundea (OEE) eta Udako Euskal Unibertsitatea (UEU).[10]

Medikuntzaz, soziologiaz, kirolaz eta euskaraz idatzi dituen artikuluetako batzuk dira hauek:

  • Miokardioko infartu akutua Gipuzkoan. Edurne Cabarcos Gravalos, eta Nagore Gonzalez Gomezekin    (2007, OSAGAIZ)
  • Txertatu behar al ditugu gure haurrak?  (2013, OSAGAIZ)
  • Pankreatitis akutua duen pazientearen artatzea  2017, BAT)
  • Mediku egoiliarren prestakuntza eta euskara Donostialdea ESIan (2018, OSAGAIZ)
  • Ohiko eta ezohiko maratoien erronka. Irabaziko ahal dugu!  Beste hauekin idatzita: Haritz Esnal Amundarain, Nerea Sarriegi Gorrotxategi, Maria Reyes Rodríguez Rivera, Ricardo Palenzuela Arocena, eta Maite Urcelay Olabarria.(2019, ELHUYAR ZIENTZIA ETA TEKNOLOGIA)
  • Bigarren mailako lesioen birbaskularizazioa ST segmentuaren igoera duen sindrome koronario akutuan.  Beste hauekin idatzita:  Nerea Mora Ayestaran, eta Ignacio Roy Añón (2020, OSASUNAZ)

Prentsako iritzi-artikuluak

aldatu

Berria egunkarian kolaboratzailea da eta hainbat igandetan iritzi-artikuluak plazaratzen ditu.[1] Covid-19 pandemia-garaian zutabe hori erabili du maiz Ospitaleko Zainketa Intentsiboetako Unitatean (ZIU) bizi izan dute itoaldia deskribatzeko, baita gizarteari eta erakundeei ardurazko jokaerak eta neurriak eskatzeko.[11][12][13][14]

« [...] Eta gehiago ezin dudala iruditu zait. Ea nik zergatik egin behar ditudan ospitalean zaintza gehiago, bere burua zaintzeko gauza ez den gizarte baten kideak zaintzeko, elkar zaintzen ez dakiten jendarte bateko kideak zaintzeko. Zergatik utzi behar dudan nire familia etxean, behar dudan eta behar nauten familia bateko kideak, elkar zaintzeko ardurarik ez duen gizarte bat zaintzeko. Zaindu zaitzatela zuen aita edo ama santisimak.

Eta gehiago ezin duzunean, gaixo batek eskutik heldu dizu. Hiru aste baino gehiago daramatza gurekin, eta, trakeotomia baten ondorioz, ezin du hitz egin. Justu-justuan heldu dit eskutik, eta, bestela ezinda, bere begiradaz azaldu dit esker ona. Nik, musuko, betaurreko eta pantailaren azpian malkoak gordez, eskua estutu diot. Orduan berritu zait sua, eta gogorarazi dit zergatik den medikuntza munduko bizibiderik ederrena, ez ogibidea bakarrik. Baina ez dakit noiz arte eutsiko diogun.

»

—Felix Zubia[13]


Erreferentziak

aldatu
  1. ↑ a b Zubia, Felix. «Felix Zubia» Berria (Noiz kontsultatua: 2021-05-18).
  2. ↑ Bertsozale Elkartea- Xenpelar Dokumentazio Zentroa. «Felix Zubia - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2021-05-18).
  3. ↑ Mitxelena, Eñaut. (2020ko apirila). Felix Zubia: “Medikuon armarik indartsuena hizkuntza da”. Aizu!.
  4. ↑ Susaeta, Igor. «Felix Zubia nagusi Arrasaten» Berria (Noiz kontsultatua: 2021-05-18).
  5. ↑ Berria. «Beñat Gaztelumendik irabazi du Gipuzkoako lehen finalaurrekoa» Berria (Noiz kontsultatua: 2021-05-18).
  6. ↑ «Felix Zubia Olaskoaga — Gipuzkoako Bertsolari Txapelketa 2019» www.bertsozale.eus (Noiz kontsultatua: 2021-05-18).
  7. ↑ Lartzanguren, Edu. «Donostia ospitaleko ZIUko langileek «elkar zaintzeko» eskatu dute, bertsotan» Berria (Noiz kontsultatua: 2021-05-18).
  8. ↑ «Osasun Etxea | EITB Euskadi Irratia» www.eitb.eus (Noiz kontsultatua: 2021-05-18).
  9. ↑ Elektrokardiografia klinikoa. Elhuyar L.G. 2007 ISBN 9788495338878. PMC 863191477. (Noiz kontsultatua: 2021-05-18).
  10. ↑ «Osagaiz: osasun-zientzien aldizkaria» www.osagaiz.eus (Noiz kontsultatua: 2018-12-13).
  11. ↑ Zubia, Felix. «Onartuko al genuke zero COVID estrategia?» Berria (Noiz kontsultatua: 2021-05-18).
  12. ↑ Zubia, Felix. «Zer ez dugu ulertu (nahi)?» Berria (Noiz kontsultatua: 2021-05-18).
  13. ↑ a b Zubia, Felix. «Gehiago ezin duzunean» Berria (Noiz kontsultatua: 2021-05-18).
  14. ↑ Zubia, Felix. «Gure jarduera» Berria (Noiz kontsultatua: 2021-05-18).

Ikus, gainera

aldatu

Kanpo estekak

aldatu
"https://eu.wikipedia.org/w/index.php?title=Felix_Zubia&oldid=10022522"(e)tik eskuratuta