Fatalismo
Fatalismoa gertakizun guztiak halabeharraren mende daudela dioen doktrina da.[1] Fatalismo terminoa latinezko fatum hitzetik sortzen da, "patua" esan nahi duena. Beraz, «fatalistak» askatasuna ukatuz gizakiari ezinbestean gailenduko litzaiokeen beharrean sinesten du. Zentzu arruntean, fatalismoa gertaeren determinismoan sinesteari dagokio, giza nahimenetik kanpoko kausek gidaturik, dela jainkoak bezalako naturaz gaindiko indarretatik, lege naturaletatik, ingurutik edo iraganean lortutako esperientzietatik datorren determinismo hori.
Fatalismoaren nozio horrek konnotazio negatiboa dakar, bai hizkuntza arruntean, bai filosofikoan. Aitzitik, determinismoaren jarrera nagusitu da, zeinak gertaeren kateatzea kausalitatearen printzipio logikoaren arabera postulatzen baitu.
Erreferentziak aldatu
- ↑ Euskaltzaindia. Fatalismo. in: Euskaltzaindiaren Hiztegia..
Kanpo estekak aldatu
Datuak: Q29253
|
Artikulu hau filosofiari buruzko zirriborroa da. Wikipedia lagun dezakezu edukia osatuz. |