Eztabaida:Antropozentrismo

Definizioa hobetu beharra

Oraingo definizioa:

"Antropozentrismoa (grezieratik, ἄνθρωπος, ánthrōpos, «gizakia», eta κέντρον, kéntron, «erdigunea») gizakia beste edozeren neurri eta erdigunetzat hartzen duen mundu ikuspegia da. Antropozentrismoan, gizakiak beste animalien gainetiko estatus moral bat du, eta errealitatearen neurketa oro gizakiaren ikuspuntutik egiten da."

Bistan da definizioaren lehen zatia zuzena izanagatik ere, bigarrena sekulako kolunpiada dela, animalisten ikuspegi partikularra ekarri baitu, eta kontzeptuak berezkoa ez duen supremazismoa erantsi baitio. Bertatik kendu behar da eta atal berezi bat sortu esplikazio semantikoak emateko.

Antropozentrismoa negatiboa da zientzian zeren giza ezaugarriak esleitzen baitizkie berez gizatiarrak ez diren elementuei. Hala, animalien portaerari balio etikoa edo morala esleitzea ikuspegi antropozentrikoaren isla da. Oreina hil eta jaten duen otsoa ez da ez ona, ez gaiztoa, ez krudela, ez maltzurra, ez koldarra, ez erruduna. Otsoa da, besterik ez, eta hala bizi da; kitto. Oreina, jakina, ez da biktima, ez errugabea, ez gaixoa; jokoa galdu duen jokalaria da.

Areago, animalistek gaizki eta bidegabe erabiltzen dute 'antropozentrista' terminoa humanisten kontra, beraiek izanik hain zuzen ere benetako antropozentristak beren maskotei gizatasuna esleitzen baitiete. —Aurreko iruzkin sinatugabea 194.30.48.251 (eztabaida • ekarp.) lankideak idatzi du (data: 2018-09-13, 11:07).

Bat nator bigarren esaldiaren zati bat («gizakiak beste animalien gainetiko estatus moral bat du») sobera zegoela, eta ezabatu dut, bai eta esaldi horren gainerakoa Ingeles Wikipediako definizioaren arabera egokitu ere. --Xabier Armendaritz 2018-09-13, 10:42 (UTC)