Evelyn Boyd Granville

Evelyn Boyd Granville (1924ko maiatzaren 1a -) Amerikako Estatu Batuetan matematiketan doktore titulua lortu zuen bigarren emakume afro-amerikarra izan zen. Espazio bidaietarako orbitak kalkulatzeko programak garatu zituen.

Evelyn Boyd Granville
Bizitza
Jaiotza	Washington, 1924ko maiatzaren  1a (95 urte)
Herrialdea	Ameriketako Estatu Batuak
Talde etnikoa	afro-amerikarra
Hezkuntza
Heziketa	Yale Unibertsitatea 1949) Ph.D. : matematika Smith College 1945) Zientziatan graduatua : matematika Dunbar High School
Tesi zuzendaria	Einar Hille
Ikaslea(k)	Etta Falconer Vivienne Malone-Mayes
Jarduerak
Jarduerak	matematikaria eta informatikaria
Enplegatzailea(k)	California State University, Los Angeles Texas College University of Texas at Tyler National Institute of Standards and Technology NASA Fisk University  (1950 -  1952) IBM  (1956 -
Jasotako sariak	ikusi Wilbur Cross Medal  (2000)

Doktore-tesia Yale Unibertsitatean erdietsi zuen, 1949an, eremu konplexuko Laguerre-ren seriei buruz.

Unibertsitateko irakaslea izan zen 1950-1952 tartean beltzentzako Tennesseeko Fisk Unibertsitatean, 1967-1984 tartean Los Angeles-eko California State University-n erretiratu zen arte, Geroago Texas-eko Unibertsitatean ere, katedratiko moduan, parte hartu zuen ume eskoletan matematika lantzeko programa batean.

1956tik 1960ra IBM konputagailu-enpresa handian lan egin zuen, Vanguard proiektuan eta Mercury proiektuan (AEBetako tripulatutako lehenengo espazio bidaia). Proiektu garrantzitsu horietan espazio bidaietarako orbitak kalkulatzen ibili zen eta lan horiek errazteko programak garatu zituen. Geroago aitortuko zuen berak hori izan zela bere bizitza osoan izan zuen lanik atseginena.

1960an North American Aviation enpresako Espazio eta Informazio-Sistemen sailean ikertzaile aditu moduan urtebetez jardun zuen gero, baina IBMra itzuli zen 1967raino.

Astronauta estatubatuarrak ilargira eraman zituen Apolo proiektuan ere lan egin zuen geroago.

Errekonozimenduak

• 1999an Ameriketako Estatu Batuetako Zientzien Akademia Nazionalak ohorezko aipamena jaso zuen.
• Smith College-k Honoris Causa Doktorea izendatu zuen.
• Kaliforniako Lincoln Unibertsitateak Honoris Causa Doktorea izendatu zuen.

Kanpo loturak

  O'Connor, John J.; Robertson, Edmund F. «Evelyn Boyd Granville» MacTutor History of Mathematics archive St Andrews Unibertsitatea http://www-history.mcs.st-andrews.ac.uk/Biographies/Granville.html ..

• Evelyn Boyd Granville-ren fitxa Mathematics Genealogy Project-en
• Evelyn Granville-ren hitzak jasotzen dituzten bideo-zati batzuk, AEBko proiektu honek bilduak: The National Visionary Leadership Project