Espainiako Alderdien Legea
Espainiako Alderdien Legea 2002ko ekainaren 27an Espainiako Legebiltzarrak onartutako lege bat da. Testu horren arabera, legearen helburua alderdi guztiek demokrazia eta konstituzioa errespetatzea da eta, beraz, bortizkeria onartzen duten alderdiak ezin dira demokratikoak izan. Modu horretan alderdiak legez kanpo uzteko bide administratiboa martxan jarri daiteke.
Legearen helburua Batasuna legez kanpo uztea izan zen, eta lege hori baliatu zen Herri Batasuna, Euskal Herritarrok eta hainbat Herri Plataforma legez kanpo uzteko. Zehazkiago, PP alderdiko buruzagi Jose Maria Aznarrek ad hoc asmo hori berretsi izan du, adieraziz "Alderdien Legea, besteak beste, Bildu legez kanpo uzteko egin zen".[1]
Lege honen alde alderdi hauek bozkatu zutenː Alderdi Popularra, PSOE, CiU, CC eta Alderdi Andaluzista. Guztira aldeko 304 boto izan zituen (Izquierda Unidako Gaspar Llamazaresek ere alde bozkatu zuen, akats baten ondorioz). Jarraian agertzen diren alderdi hauen 16 boto aurka izan zituenː IU, EAJ, EA eta ERC, (ezker abertzaleak ez zuen diputaturik, 2000ko Espainiako hauteskunde orokorretarako abstentzioaren deia egin baitzuen) eta abstentziorik ez zuen izan.
Ondorioak
aldatuLegearen ondorioz, gehienbat 2003 eta 2011 urteen tartean ezker abertzaleko alderdi gehienak legez kanporatuak izan ziren. Ondorioz, euskal gatazka herri askotara zabaldu zen. Besteak beste "herriaren borondatearen gainetik" beste alderdi batzuek lortu zutelako boterea edo alkate izatea[2] ENAMeko taldeek "lapurreta" egotzi zieten aukeratuak izan zirenei.
Besteak beste lege honen ondorioz 2007an, 27 botuekin (boto guztien ̤%7a) Alderdi Popularreko Regina Otaola bihurtu zen Lizartzako alkate[3] eta 2009an PSEko Patxi Lopez Euskadiko lehendakari.
Alderdien Legea aplikatu zaien alderdi politiko, hautes elkarte nahiz koalizioak
aldatu- Batasuna, Herri Batasuna, Euskal Herritarrok
- 2003ko udal hauteskundeetako 241 herri plataforma
- Autodeterminaziorako Bilgunea
- Aukera Guztiak
- Herritarren Zerrenda
- PCE (r)
- Eusko Abertzale Ekintza
- Euskal Herrialdeetako Alderdi Komunista
- Abertzale Sozialisten Batasuna
- Demokrazia Hiru Milioi
- Askatasuna
- Iniziatiba Internazionalista - Herrien Elkartasuna
- Marinda (Herri Plataforma)
- Santurtziarrak herri plataforma
- Kimua Herri Plataforma
- Artzentaleseko Herri Plataforma
- Herri Plataforma (Zalla)
- Plataforma Orkoiendarra
- Herri Anitza
Ikus gainera
aldatuKanpo estekak
aldatu- (Gaztelaniaz) Lege osoa
Datuak: Q3048256
- ↑ Aznar: "La Ley de Partidos se hizo para ilegalizar a Bildu, hay facultades para limitarlos". (kontsulta data: 2023-12-18).
- ↑ https://gara.naiz.eus/paperezkoa/20080307/66132/eu/Herri-borondatea-errespetatzeko-aukera-zabaldu-da-Lesakan
- ↑ https://www.elconfidencial.com/espana/2020-02-10/regina-otaola-simbolo-resistencia-eta-portazo-ayuso-deja-asamblea_2449215/