Ireki menu nagusia

Erich von Stroheim (Viena, Austria, 1885eko irailaren 22a - Maurepas, Frantzia, 1957ko maiatzaren 12a) Estatu Batuetako aktorea eta zinema-zuzendaria izan zen, jatorriz austriarra.

Erich von Stroheim
Erich von Stroheim.lowrey.jpg
Bizitza
Izen osoa Erich Oswald Stroheim
Jaiotza Viena1885eko irailaren 22a
Herrialdea  Ameriketako Estatu Batuak
 Austria
Heriotza Paris1957ko maiatzaren 12a (71 urte)
Heriotza modua berezko heriotza: Minbizia
Hezkuntza
Hizkuntzak alemana
ingelesa
Jarduerak
Jarduerak zinema zuzendaria, aktorea, gidoilaria, zinema aktorea eta zinema ekoizlea
Jasotako sariak
Nominazioak
Genero artistikoa film mutua
IMDb nm0002233

BiografiaAldatu

Ikasketa militarrak egin zituen, baina 1909an gudarostetik alde egin, eta Estatu Batuetara erbesteratu zen. Lanbide askotan jardun zuen, 1914an Hollywooden lanean hasi zen arte. Aurreneko lanak Griffithekin egin zituen, aktore eta laguntzaile gisa, The Birth of a Nation (1915), Intolerance eta Hearts of the World (1918) filmetan. Militar gogor eta higuingarriaren antzezpenak maite zituen; bere bizitzan ere desertorea izanagatik, goi-mailako militarraren eta aitoren semearen itxurak egin zituen. Naturalismoaren eragina izan zuen, eta pertsonaia bihurri eta bortitzak zituen gustuko. Zinema mutuaren garaian egin zituen ia bere film guztiak, errealistak oso, xehetasunez beteak, sexua gordin agertzen zutenak; maisulanak guztiak, nahiz eta ekoizleek moztu, laburtu eta zenbaitetan filma bukatzen ere utzi ez zioten.

Stroheimen filmek eragin handia izan dute zinemaren historian. Film ahostun bakarra zuzendu zuen, Walking Down Broadway (1933). Zuzendaritza utzi, eta antzezle-lanetan eman zituen azken urteak, Frantzian bizileku harturik; antzezpen gogoangarriak egin zituen, batik-bat Renoirren La Grande Illusion (1937) eta Wilderren Sunset Boulevard (1950) filmetan. Beste filmak: Blind Husbands (1918, "Senar itsuak"); Foolish Wives (1921, "Emazte txoriburuak"); Greed (1923, "Zekenkeria"), bere lan bikainena; The Wedding March (1927, "Ezkontza-martxa"); The Merry Widow (1925, "Alargun zoriontsua"); Queen Kelly (1928, "Kelly erregina").

ErreferentziakAldatu

Wikimedia Commonsen badira fitxategi gehiago, gai hau dutenak: Erich von Stroheim