Ireki menu nagusia

Wikipedia β

Erdara euskal hiztunek euskara ez beste hizkuntza guztiak izendatzeko erabiltzen duten hitza da. Bere esanahia hizkuntza arraroa edo atzerrikoa da, inor edo ezer gutxiesteko asmorik gabe. Hitz elkarketan, erdal forma hartzen du maiz (adibidez: erdal idazleak —erdaraz idazten dutenak—, erdal musika —erdaraz kantatzen dena—, eta abar). Eta euskaraz jakin gabe erdaraz badakitenei erdaldun deritze.

Erdara hitzak euskara ez beste hizkuntza guztiak izendatzeko balio duen arren, euskaldunek hurbilen dituzten hizkuntzak aipatzeko erabili ohi dute gehien-gehienik. Horrenbestez, Hego Euskal Herrian gehienetan gaztelaniaren sinonimo da erdara; eta Ipar Euskal Herrian, ordea, frantsesarena.

ErdarakadaAldatu

Sakontzeko, irakurri: «Erdarakada»

Erdarakada da euskaraz erabilitako hitza edo esamoldea, erdararen eraginez euskararen ohiko arauak betetzen ez dituena.