Enric Miralles

Enric Miralles i Moya (Bartzelona, 1955eko otsailaren 12a - Sant Feliu de Codines, Bartzelona, 2000ko uztailaren 3a) arkitekto kataluniarra izan zen.

Enric Miralles
Bizitza
Jaiotza	Bartzelona, 1955eko otsailaren 12a
Herrialdea	Katalunia
Heriotza	Sant Feliu de Codines, 2000ko uztailaren 3a (45 urte)
Hobiratze lekua	Igualada Cemetery (en)
Heriotza modua	berezko heriotza: garuneko minbizia
Hezkuntza
Heziketa	Columbia Unibertsitatea Bartzelonako Arkitekturako Goi Eskola Teknikoa Kataluniako Unibertsitate Politeknikoa
Hizkuntzak	gaztelania katalana
Jarduerak
Jarduerak	arkitektoa eta katedraduna
Enplegatzailea(k)	Harvard Unibertsitatea
Lan nabarmenak	ikusi Pabellón Pedro Ferrandiz (en) Scottish Parliament Building (en) Mercat de Santa Caterina (en) Igualada Cemetery (en)
Jasotako sariak	ikusi National Cultural Heritage Award

Santa caterina merkatua, Bartzelona

Hilerria, Igualada

Eskoziako Legebiltzarra, Edinburgo

Biografia

Kataluniako Unibertsitate Politeknikoko Arkitektura Goi Eskola Teknikoan jaso zituen arkitektura ikasketak. Ondoren, New Yorkeko Columbia Unibertsitatean jarraitu zituen ikasketak. Jarduera profesionala Albert Viaplana eta Helio Pinhon arkitektoekin hasi zuen, 1983. urtera arte. Aldi berean, arkitektura irakasle aritu zen berak ikasitako bi unibertsitateetan. Orduan bere lehen bulegoa sortu zuen bere lehenengo emaztea izan zen Carme Pinosekin. Garai hartako lanak oihartzun internazionala izan zuen. Bere bigarren emaztearekin, Benedetta Tagliabuerekin, bulegoa berrantolatu zuen eta EMBT izena ezarri zion. Mundu osoko eskakizunak jasotzen zituen.

Lanak

• Gas Natural eraikuntza (Bartzelona) -- hil ostean amaitua.
• Eskoziako Legebiltzarra (Edinburgo) -- hil ostean amaitua.
• Vigoko Unibertsitateko kampusa (Vigo).
• Utrechteko udaletxea (Utrecht, Herbehereak).
• Gazteentzako Musika Eskola (Hanburgo, Alemania).
• Diagonal Mar parkea (Bartzelona).
• Koloreen parkea (Mollet del Vallès, Bartzelona).
• Sei etxebizitza (Amsterdam, Herbehereak).
• Japoniako Liburutegi Nazionala (Tokio, Japonia)--eraiki gabe.
• Unibertsitate Laborategiak (Dresden, Alemania)--eraiki gabe.
• Gizarte Etxea (Balenyá, Bartzelona).
• Kiroldegia (Leipzig, Alemania)--eraiki gabe.
• Arkitektura eskola (Venezia, Italia) -- eraiki gabe.
• Ontzirategia (Tesalonika, Grezia)--eraiki gabe.
• Hilerria (Igualada, Bartzelona).
• Gimnastika Erritimoko Zentro Nazionala (Alacant).
• Heaven pabilioia Tateyama museoan (Tateyama, Japonia).
• La Llauna Institutua (Badalona, Bartzelona).
• Barnetegia (Morella, Espainia).
• Kiroldegia (Huesca, Espainia).
• Meditazio pabilioia (Unazuki, Japonia).
• Círculo de Lectores elkartearen gizarte egoitza (Madril).

Kanpo estekak

• EMBT arkitektoen webgunea

• Datuak: Q723669
• Multimedia: Enric Miralles / Q723669