Eneko Axpe

Eneko Axpe
	;
Bizitza
Jaiotza	Barakaldo, 1986 (34/35 urte)
Herrialdea	Bizkaia, Euskal Herria
Hezkuntza
Heziketa	Euskal Herriko Unibertsitatea
Jarduerak
Jarduerak	ikertzailea, fisikaria eta raperoa
Enplegatzailea(k)	NASA ; Cambridgeko Unibertsitatea (2016 - 2018); Harvard Unibertsitatea (2017 - 2017); Stanford Unibertsitatea (2018 -
Musika instrumentua	ahotsa

Eneko Axpe Iza (Barakaldo, 1986) bizkaitar zientzialari eta artista euskalduna da. NASAko historian Euskal Herriko lehenengo materialen fisikaria bihurtu zen 2018. urtean. Biomaterialetan, modelo matematikoetan eta jasangarritasunean aditua da.

Postdoctoral Fellow gisa ari da Stanford Unibertsitatean eta NASAn, 2018tik.^[1] Horren aurretik, Cambridgeko Unibertsitateko ikerlari eta irakaslea izan zen, Homerton College Research Fellow gisa (2016 - 2018). Euskal Herriko Unibertsitean lortu zuen bere doktoretza 2015. urtean. Harvard Unibertsitatearen eta Oxfordeko Unibertsitatearen bisitaria ere bada. Oxfordeko Unibertsitatean Stephen Hawking pertsonalki ezagutu zuen.

Lehenengo euskal zientzialaria NASA afiliazioarekin artikulu zientifiko bat argitaratzen^[2], eta NASA-k saritu zuen Euskal Herriko lehenengo ikerlaria^[3] bilakatu zen 2019. urtean.

Artean, euskarazko hip-hopa eta elektronika jorratzen ditu, Maisha MC izenpean. 2019an 'VMME SAHAR' albuma argitaratu zuen.^[1]