Emmanuel Intxauspe

Emmanuel Intxauspe
bikario	;
bikario
Bizitza
Jaiotza	Altzai-Altzabeheti-Zunharreta eta Atharratze-Sorholüze, 1815eko azaroaren 12a
Herrialdea	Frantzia
Heriotza	Onizegaine eta Aloze-Ziboze-Onizegaine, 1902ko irailaren 25a (86 urte)
Hezkuntza
Hizkuntzak	frantsesa; euskara
Jarduerak
Jarduerak	Kalonjea eta idazlea
Jasotako sariak	ikusi Volney Prize (1858) ;

Emmanuel Intxauspe (Zunharreta, Zuberoa, 1815eko azaroaren 12a - Onizegaine, Zuberoa, 1902ko irailaren 25a) euskal idazle eta itzultzailea izan zen. Baionan egin zituen eliza ikasketak.

Jincoac giçonareki eguin patoak otoitz liburua eman zuen argitara 36 urte zituela. 1856. urtean zubererara itzuli zuen San Mateoren ebanjelioa, Bonaparte printzeak hala eskaturik. 1857an Iturriagaren solasaldiak zubereraz eman zituen. Hurrengo urtean itzuli zuen Apokalipsia. 1858. urtean eman zuen argitara Le Verbe Basque bere obra nagusia, eta 1864an prestatu zuen Axularren Gero obraren argitalpen berri bat, atalen ordena aldatuz (haren ustez, Axularrek egingo zukeen erara, eta esaera gordinak kenduz).

Baionako apezpikuaren idazkari nagusi izendatu zuten 1869. urtean. 68 urte zituela Kempis liburuaren itzulpenaren (1757) eraberritzea egin zuen zubereraz Kristen Imitacionea, Çuberouco uscalarat utzulia izenburupean. Bikario nagusi izendatu zuten 1884. urtean. Intxausperenak dira, halaber, Le Peuple Basque (1892-1893) Euskal Herriari buruzko lana, Maria Birjinaren hilabetia (1894) eta Kantika Saintiak (1897) erlijiozko lanak.

«	Gaiherdi da. Errege Karloman Auritz-berrin dago bere armadareki; zelü ülhünian ezta ageri, ez argizagi, ez izarrik; hürrünian sügar handi batzük argitzen die mendiartetan; Frantzesak khantatzen ari dira herrian; Altabizkarreko üngürünetan entzüten dira otsoen izigarriko orroak, eta holatan Üskaldünek zorrozten dütie beren eztenak eta aizkorak Ibañetako harri eta harbochietan. Khechü eta erreus, Karlomanek eztezake loik har. Ohe saihetsian bereter batek irakurten dü amoriozko khuntü bat; hürrünchiago Arrolan gaitzak argitzen dü bere Dürandal ezpata famatia, eta Türpin archebisko hona ari dá Jinkoaren Ama saintiari othoitzen.	»
Emmanuel Intxauspe

LanakAldatu

ErreferentziakAldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.