Elizen Munduko Kontseilua

Elizen Munduko Kontseilua nazioarteko erakunde kristaua da, 1948an sortua Amsterdamen. Kontinente guztietako 120 herrialde baino gehiagoko 332 eliza daude bertan, eta 500 milioi kristau inguru biltzen ditu. Kristau tradizio guztietako elizak dira: anglikanoa, batista, kongregazionala, luteranoa, metodista, moraviarra, Antzinako Eliza katolikoa, ortodoxoa, presbiterianoa eta erreformatua. Erromako Eliza Katolikoa ez da kontseilu honetako kidea, baina begiraleak bidaltzen ditu bileretara. Denak biltzen dituen ideia Jesukristo Jainko eta Salbatzailetzat hartzea da. Elkartea mugimendu ekumenikoaren zerbitzura dago, eta bere kideak Ebanjelioa jarraitzera bultzatu nahi ditu. Eliza guztiei “eliza bat, bakarra, santua eta apostolikoa” esapidearen adierazle direla ikusaraztea du helburua. Kristok bere elizarako nahi zuen batasuna bilatzen dute erakunde honetara bildutako elizek, eta adierazpen eta jokaera komunak behar direnetan lankidetzan aritzen dira. Bigarren Mundu Gerran, adibidez, gerrako presoen artean lanean aritu ziren, juduei eta beste iheslari batzuei laguntza eman zieten, eta gerra ostean adiskidetzeko ahaleginetan jardun zuten. Elkarteko kide izateko, eliza bakoitzak autonomia duela eta bere herrialdeko beste elizekin erlazio ekumeniko eraikitzaileak dituela erakutsi behar du. Oro har, kide bakoitzak 25.000 eliztar ditu; gutxienez 10.000 eliztar dituenak kontseiluko ekintza guztietan parte har dezake, baina ez du boto eskubiderik batzordean. Kide egiteko ez da diru kopuru jakinik ordaindu behar, baina bakoitzak bere ahalbideen araberako emaitza eskaini behar du urtero. Zazpi urtetik behin elkarteak nazioarteko biltzarrera deitzen ditu bere kideak, munduaren eta elizaren egoera aztertu ondoren hurrengo urteetan jarraituko duten politika erabakitzeko.

Elizen Munduko Kontseilua
Une communauté mondiale de 350 Églises, en quête d'unité, de témoignage commun et de service chrétien
Datuak
Mota	nazioarteko gobernuz kanpoko erakundea eta ecumenical organisation (en)
Herrialdea	internationality (en)
Jarduera
Kidetza	Campaign to Stop Killer Robots (en)
Kide kopurua	350 (2018)
Eskumendekoak	Urban Rural Mission (en) , Programme to Combat Racism (en) , Ecumenical Accompaniment Programme in Palestine and Israel (en) eta Bossey Ecumenical Institute (en)
Enplegatuak	176 (2010)
Agintea
Idazkari orokorra	Jerry Pillay (en)
Egoitza nagusi	Grand-Saconnex 46.23°N 6.13°E / 46.23; 6.13
Egoitza nagusi	Geneva kantonamendua
Ekonomia
Aurrekontua	33.100.000 Fr
Historia
Sorrera	1948ko abuztuaren 23a
Sorlekua	Amsterdam
Jasotako sariak	Wateler Peace Prize  (1949)
webgune ofiziala

Kanpo estekak

• Webgune ofiziala

• Datuak: Q283639