Egoitza Santua
Egoitza Santua edo Aulki Santua (latinez Sancta Sedes) aita santuak Eliza Katolikoko buru den heinean duen posizioari ematen zaion izena da. Nazioarteko politika eta Eliza Katolikoaren gorengo gidaritza dagozkio. Adiera horretan, ez da Vatikano Hiriarekin nahastu behar: azken horrek Vatikanoko estatuan du aginpidea soilik, eta estatuaren oinarrizko barne funtzioak betetzen ditu. Vatikano Hiriak ez du nazioarteko politikan jarduteko eskumenik. Zeregin hori Aulki Santuaren eskuetan dago, nahiz eta izate juridiko biak sarri oso estu lotuta egon.
Historia
aldatu- 756, Aita Santuen Lurraldea sortu zen.
- 1860, Italiak Aita Santuen Lurraldeak konkistatu zituen, Egoitza Santuari Erroma bakarrik utzirik.
- 1870, Viktor Manuelek Erroma hartu zuen Frantziar-prusiar gerraz baliatuz eta erresumako hiriburu aldarrikatu zuen.
- 1917, Benedikto XV.ak Lehen Mundu Gerrarako bakerako plan bat proposatu zuen, nazioartean baztertua izan zena.
- 1929, Benito Mussolinik eta Pietro Gasparrik itun bat izenpetu zuten, 1870etik Egoitza Santuak Italiarekin zituen arazoak konpontzeko.
- 1939, Bigarren Mundu Gerra hasi zen; Egoitza Santua neutral azaldu zen.
- 1944, Hitlerrek Vatikano Hiria suntsitzeko agindua eman zuen eta Pio XII.a aita santua bahitzeko, baina SS-etako jeneralak ez zion jaramonik egin. Jenerala kargutik baztertua izan zen.
- 1965, Paulo VI.ak Vatikanoko II. kontzilioa amaitu zuen.
- 1981, Joan Paulo II.aren aurkako atentatua, Vatikano Hirian.
- 2005, Joan Paulo II.a hil zen eta Benedikto XVI.a hautatu zuten aita santu.
Aita santuaren aulkia
aldatu
Aulki santuaren eserlekuaz hitz egitean, Aita santuaren aulkia erabiltzen da. San Joan Laterangoan dago, Erromako elizbarrutiko katedralean.
