Ego

Euskal Herriko ibaia

Ego[1] Bizkaia ekialdeko eta Gipuzkoa mendebaldeko ibai bat da, Debaren ibaiadar nagusia. XIII. mende inguruan, hiribilduak eta probintziak sortu aurretik, Ego ibarraren ingurua industrigune garrantzitsua izan zen.

Ego
Rio Ego 1.JPG
Datu orokorrak
Luzera 15 km
Geografia
Koordenatuak 43° 11′ 38″ N, 2° 26′ 13″ W / 43.194001°N,2.436956°W / 43.194001; -2.436956Koordenatuak: 43° 11′ 38″ N, 2° 26′ 13″ W / 43.194001°N,2.436956°W / 43.194001; -2.436956
Kokapena Euskal Herria
Herrialdea Espainia
Hidrografia
Arro hidrografikoa Deba (ibaia)
Iturburua Mallabia
Bokalea Deba (ibaia) eta Elgoibar

IbilbideaAldatu

Arrangizgana mendatearen inguruan du iturria, Oiz mendiaren hegalean, Mallabian (Bizkaia). Ahoa, berriz, Deba ibaian, Eibarko Maltzaga auzoan (Gipuzkoa).

Udalerri hauek zeharkatzen ditu: Bizkaian Mallabia, Ermua (non bideratuta eta estalita dagoen) eta Zaldibar; eta Gipuzkoan Eibar (non berriro estalia duten, ahora heltzeko azken zatian).

IngurumenaAldatu

Ermuan sartu ondoren ibaia zeharo kutsatua dago. XX. mendean eskualdean eraikitako industriak ibaia erabili du ekoizpenean. Era berean, Eibar bizitako garapenak harana etxez bete ditu.

Kutsadura dela eta, oraintsu arte ia ez du faunarik izan, iturburutik hurbileko zatian ez bada. Hala ere, 2007ko martxoan Elgoibarko Apraiz auzoan eraikitako ur araztegiak zerbait hobetu du egoera: 2008az geroztik, Debarekin duen lotunean ahateak ere ikusi izan dira.

IbaiadarrakAldatu

 
Ego, Eibarren.

Hona hemen Egoren ibaiadar nagusiak:

  • Ezkerraldetik:
    • Berano.
    • Arrajola, Urko menditik etorria.
    • Abontza.
    • Matsaria.
    • Asua.
    • Txarakoa.
    • Azitain.

ErreferentziakAldatu

Kanpo estekakAldatu

Euskarazko Wikipedian bada atari bat, gai hau duena:
Euskal Herriko Wikiatlasa