Ireki menu nagusia

Edorta Kortadi Olano (Tolosa, 1946ko apirilaren 13a) gipuzkoar arte irakasle, idazle eta kritikaria da.

Edorta Kortadi
Edorta Kortadi.JPG
Bizitza
Jaiotza Tolosa1946ko apirilaren 13a (73 urte)
Herrialdea  Gipuzkoa, Euskal Herria
Hezkuntza
Hizkuntzak euskara
gaztelania
Jarduerak
Jarduerak idazlea
Enplegatzailea(k) Deustuko Unibertsitatea

BiografiaAldatu

Donostiako Apaizgaitegian ikasi zituen Humanitateak, Filosofia eta Teologia (1958-1971), Irungo Maisutza Eskolan Maisutza (1968), eta Bartzelonako Unibertsitate Zentralean Filosofia eta Letrak, Artearen Historia espezialitatean, (1971-1976). Diseinatzaile grafikoa eta publizista izanik, Euskal Kartelgintza eta Arte Grafikoak (1968-1976) mugimenduan hartu zuen parte. Haur-literatura eta -poesiari buruzko hainbat liburu diseinatu eta ilustratu zituen, eta haurrentzako poesia-liburuak ere idatzi zituen (Donostiako Kantil Poesia Saria eskuratu zuen). 1968. urtetik aurrera irakaskuntza, arte-kritika eta erakusketen antolakuntza tartekatu zituen, apaiz-lana alde batera utzi gabe. 1978an Eusko Ikaskuntzako Arte Saileko lehendakari izendatu zuten, eta 1982tik 1994ra erakunde horretako idazkari nagusia izan zen. Jose Migel Barandiaran Fundazioko idazkari nagusia ere izan zen 1979tik 1997 arte. Gaur egun Donostiako Santa Maria basilikaren parrokoa da[1] eta Donostiako Elizbarrutiko museoko zuzendaria.

LiburuakAldatu

Kaleratu dituen liburuen artean daude:

  • Artegintza, artista, gizartea (1979)
  • Gipuzkoako pintoreak (1939-1979) (1979)
  • Arte Vasco-Euskal Artea (1979)
  • Atlas de Euskal Herria. Euskal Herriko Atlasa (1982)
  • Euskal Herria, realidad y proyecto (1985)
  • Aranzazu, tradición y vanguardia. Arantzazu, tradizioa eta abanguardia (1993)
  • Grafía vasca (1994)
  • Juan Luis Goenaga (1969-1995) (1995)

ErreferentziakAldatu

Kanpo loturakAldatu