Diane Rodríguez

Diane Marie Rodríguez Zambrano (Guayaquil, Ekuador, 1982ko martxoaren 16a) pertsona transexualen eskubideen aldeko ekintzailea da. Gay, lesbiana, bisexual, transexual eta transexualen eskubideen aldeko Silueta X elkartearen presidentea da.

Diane Rodríguez
Diane Rodriguez activista GLBTI Ecuador.jpg
Bizitza
Izen osoaLuis Benedicto Rodríguez Zambrano
JaiotzaGuayaquil1982ko martxoaren 16a (39 urte)
Herrialdea Ekuador
Hezkuntza
HeziketaUniversity of Guayaquil (en) Itzuli
Latin American School for Social Sciences (en) Itzuli
(2018 -
Jarduerak
Jarduerakgiza eskubideen aldeko ekintzailea, psikologoa, politikaria, idazlea eta LGBT ekintzailea
KidetzaSilueta X Association (en) Itzuli
LGBT Chamber of Commerce Ecuador (en) Itzuli
MugimenduaMugimendu homosexualak
Sinesmenak eta ideologia
Erlijioaateismoa
Alderdi politikoaRuptura 25 (en) Itzuli
PAÍS Alliance (en) Itzuli
dianerodriguez.net

Gizon jaio arren, bere burua emakumetzat dauka. 2009an Ekuadorko erregistro zibilari salaketa jarri zion bere gizonezko Luis Benedicto izena emakumezko Diane Marie izenarengatik alda ziezaion.

2013ko Ekuadorko hauteskunde orokorretan bere burua hautagai aurkeztu zuen Ruptura 25 alderdiarekin. Ekuadorko lehenengo hautagai transexuala bihurtu zen. Hala ere, ez zuten hautatu.

2014ko irailaren 19an Ekuadorko lehenengo bikote transexuala eratu zuen bere bikotekide transexualarekin, biak izatezko bikoteen erregistroan sartu zituztenean. Gutxira, baina, banandu ziren.

2015eko urtarrilean transexualitateari buruzko haurrentzako ipuina argitaratu zuen, Benedicto se siente niña izenburukoa eta bere bizipenetatik idatzia. 2015eko irailean Ekuadorko LGBT Erakundeen Federazioko lehendakari izendatu zuten. Gainera, urte berean, Front Line Defendersen saria irabazteko bost hautagaietako bat izan zen.

2015eko abuztuan, Fernando Machado, bere mutil-laguna haurdun zegoela adierazi zuen. Nazioartean, haurra erditzeko zain egondako aurrenetako bikote transexualetako bat bihurtuz.