Diandra Tchatchouang

saskibaloi jokalari frantziarra

Diandra Tchatchouang Villepinte, Sena Saint-Denis, Frantzia, 1991ko ekainaren 14a), saskibaloi jokalari frantziarra da, 1,89 m-koa eta hegaleko postuan jokatzen duena[1].

Diandra Tchatchouang
Tchatchouang- Bonnan.jpg
Bizitza
JaiotzaVillepinte1991ko ekainaren 14a (31 urte)
Herrialdea Frantzia
Hezkuntza
HeziketaMarylandeko Unibertsitatea
Parisko Ikasketa Politikoetako Institutua
Hizkuntzakfrantsesa
Jarduerak
Jardueraksaskibaloi jokalaria
Ibilbidea
Taldeak Urteak Pos Zbk
CJM Bourges Basket (en) Itzuli-
Draft NBA San Antonio Stars (en) Itzuli
 
Posizio edo espezialitateahegalekoa
Kirol zenbakia6
Altuera186 zentimetro

Facebook: DiandraTchatchouangOfficiel Twitter: DiandraTchatch Instagram: diant237 LinkedIn: diandra-tchatchouang-b2563950 Edit the value on Wikidata

Frantziako taldearekin zilarrezko domina lortu zuen 2013, 2015, 2017, 2021 urteetan eta brontze olinpikoa 2020an.

BiografiaAldatu

La Courneuveko azken entrenatzaileak, Christophe Corbisék, esan zuen: «Hasieran koordinazio eta trebetasun arazoak izan zituen. Ezin zuen pase bikoitza eman edo jaurtiketa egin!» Gero, Diandrak esango du: «Umetako bigarren urtetik aurrera benjaminekin jokatu dut». Neska txikien taldearekin jokatuko du Frantziako Ligan, nahiz benjamin soilik izan! Ermont Eaubonneko Itxaropen Gunera joango da 12 urterekin. Barnetegian, astean 14 ordu ematen ditu bere kirolean La Courneuve-n astean hiru ordurekin konformatu behar zenean. «Parisa joan nintzen, Frantziako Ligan jokatzen zuen talde batean jokatu behar nuelako. Noski, apur bat etsita nengoen guztiak atzean utzi behar nituelako, baina egin behar nuen». Herriko klubak (BCC): «Oso harro gaude jokalari hori hezitu izanaz. Ezin genuen gorde. Berarentzat, ez zuen zentzurik hemen irauteak. Elementurik onenak une egokian joaten uzten jakin behar da, geurea bezalako kluben patua da», esan zuen. 2005ean itzultzean, Kamerungo sustraiak dituen gaztea INSEPen[2] (Institut national du sport, de l'expertise et de la performance) sartuko da. Urte batzuk geroago, hasierako klubarekin lotuta jarraitzen du, eta, haren alde, hainbat kirol- edo herritar-animazio antolatzen ditu, batez ere, emakumeen praktikaren alde[3][4].

Bere 18 urteko jokoak Emakumezkoen Saskibaloi Ligan paper garrantzitsua izateko aukera eman badio, National Collegiate Athletic Association (NCAA) delakoarekin bat egingo du: «Ameriketako unibertsitateak aukera gehiago eskaintzen zizkidan hezkuntzari eta saskibaloiari dagokienez; zenbait jokalarik maila profesionalean jokatzen duten bitartean, graduatu egiten dira, aldi berean, eta hori, nire ustez, oso zaila da. Kontratu bat sinatzean, zure lanbide bihurtzen da saskibaloia; zure klubak emaitzak espero ditu. Klaseak jarraitzea lortzen ez baduzu, ez da klubaren arazoa; normala da, kantxan egiten duzunagatik ematen baitizu ordainsaria. Nire kasuan, Frantziako talde profesional batera joanda zeregin garrantzitsua izango nuela uste dut, baina horrek ez zidan nire ikasketetan sakontzen utziko». WNBAn jokatu nahi du: «Nire jokalari gogokoena Tamika Catchings da. Egunen batean, harekin edo haren aurka jokatzeko aukera izango dudala uste dut»[5].

STG batxilergoa nahiko ondo bukatu ondoren, Marylandeko Unibertsitatean zientzia politikoei buruzko ikasketak egiten hasiko da (ikasketen seriotasunagatik, ACC All-Academic Team 2010en nabarmenduko da), Frantzian LEA (langues étrangères appliquées)[6] lizentziarekin jarraitu aurretik. Berdintasun aukerekin oso arduratuta dagoela adierazi du, eta zera esango du: «Ez dut nire jatorriarekin lotutako oztoporik izan, baina, nire ingurura begiratzen dudanean, berdintasuna, batzuetan, teorikoa dela soilik ohartzen naiz. AEBn, jendeak hobeto onartzen dituela arrazen arteko desberdintasunak uste dut. Badaude, bai, baina, gutxiengoentzat, aukerak ugariagoak direla iruditzen zait»[7]. «Barack Obama eta Martin Luther King dira gehien miresten ditudan pertsonak, kirolarien arteko LeBron Jamesekin batera»[8].

Lehen denboraldiko partida guztietako boskote nagusiko partaide gisa, 10 puntu baino gehiago lortuko ditu 34 partidetatik 19tan, eta 25 puntu San Joseren aurka, sasoiko behinena. NCAAra itzulita, 2010eko azaroaren 26an, bere lehen biko-bikoa lortuko du East Carolinako Piraten aurkako partidan[9]. Belauneko lesio bat dela eta, ez dute Frantziako selekziorako hautatuko, eta, 2011ko udan, Montpellierrekin sinatuko du[10].

Denboraldi horretan, ordea, taldean garrantzi gutxiago izango du; hori dela eta, 2012ko udan Perpignanekin fitxatuko du. Valéry Demory-rekin dituen harremanei buruz, oso onak bezala deskribatuko ditu. Gero: «Apur bat gutxiago geroxeago geratu behar nintzelako eta berandu abisatu zidalako, apirilaren amaieran, ez ninduela mantenduko. Baina ezin diot errua leporatu, zeren fitxatu ninduenean lesionatuta bainengoen. Eta hura zen neukan eskaintza bakarra».[11] Perpignanekin, batez beste, 9,1 puntu eta 4,7 lortuko ditu partidako, eremuko jaurkiketen (% 48,8), jaurtiketa libreen (% 43,4) eta, bi urtetan, hiru puntuko jaurtiketa arrakastatsurik ez (0 puntu 9tik edo 0 puntu 8 saialdi egin ondoren)[12].

2013ko apirilean, WNBA draftaren bigarren txandan hautatuko du San Antonioko Silver Starsek[13].

2014. urtean, Bourgesekin Euroligako laugarren postua lortuko du; 17 partida jokatuko ditu 4,5 puntu, 3,8 errebote eta 1,6 pase erabakigarri partidako, batez beste, lortuz[14][15].

Bourgesek zortzigarren aldiz irabaziko du Frantziako Kopa, 57-48ko emaitzarekin, Villeneuve-d'Ascq-en aurka[16].

2015ean, Bourgesek Frantziako Txapelketa irabaziko du[17].

2015. urteko azken egunetan, belauneko lotailu gurutzatuen haustura nozituko du. Lesioaren berri Maryland-en izango du, eta hilabete batzuk kantxatik landa geldituko da. Denboraldiaren hasiera galdu ondoren, 2015-2016an, LFBko bost partida baino ez ditu jokatuko (5,6 puntu eta 3,6 errebote, batez beste), eta Euroligako lau (6,3 puntu eta 2,8 errebote)[18]. Rioko Olinpiar Jokoetan parte hartzeko aukerarik gabe, 2016ko irailaren erdialdera itzuliko da Bourgesekin[19].

2017ko Frantziako Kopa irabaziko du Charlevilleren aurka, eta 9 puntu erregistratuko ditu[20].

Saskibaloiko Sindikatu Nazionalean konprometituta dago.[21] 2018an Bourgesekin Frantziako Kopan eta Txapelketan garaipenak lortu ondoren, Montpellierrekin engaiatuko da, zeinarekin nazioarteko beste jokalari batzuk ere konprometituta dauden[22].

2021eko apirilaren 24an, Diandrak eta Basket Lattes-Montpellierrek Frantziako Kopa irabaziko dute Charleville-Mézières-i 75-74 garaituta.

Selekzioa nazionalaAldatu

Euro Kadete 2005eko jokalari guztiak baino bi urte gazteagoa den arren, taldean hain ondo txertatuko da, ezen laugarren saskiratzaile (7,4 puntu) eta bigarren errebote-harrapatzaile (6,0 harrapaketa) izango den. Belauneko lesio batek 2006ko kanpainan parte hartzea eragozten dio. 2007an itzuliko da «Bleuettes» (Kadeteen selekzioa) taldera. Urte horretan, frantziarrek Europako Txapelketa[1] irabaziko dute, eta Diandra lehiaketako jokalaririk onena izango da[23][24].

2010eko udan, 20 urteko Frantziako selekzioak, garaian Europako Txapelduna denak, laugarren postua baino ez du lortuko Liepāja-n (Letonia). Diandra Tchatchouang-ek, final-zortzirenetan ezkerreko orkatilan izandako zaintiratu baten ondorioz, ezin izango du azken fasea jokatu Frantziako selekzioarekin[25]. Gabezia hori Blue Devils-eko Duke Allison Vernerey-ren hutsuneari batuko zaio, zeina lesionatuta gertatu baitzen prestakuntzan. Lesio horrekin, Tchatchouangek ezingo du Frantziako senior talderako lehen aurre-hautaketa ziurtatu[26].

2012an, prestaketa olinpikoa egingo du, baina ez da azken txapelketarako hautatua izango. «Ez dago mingostasunik. Ez da taldean egon beharko banintz eta azken unean bahitua izan naizela. Banekien nire aldetik dena eman dudala taldean egoteko, baina ez da hala izan. Deauvilleko egonaldian neskak aurkitzen dituzunean (TQOren ostean) ikusten duzu oso urrun zaudela. Bat ez da Olinpiar Jokoetako taldean egongo, baina hamaikakoan egongo balitz bezala sentitzen da, ez dute inoiz baztertu». zuen azken txapelketan iraun: “Ez zen mingostasunik izan. 2013ko Europako Txapelketa prestatzen: «Aurten konfiantza gehiagorekin hartu dut prestaketa denboraldian zehar gehiago jokatu dudalako. Ondoren, entrenatzaileak beharren arabera aukeratzen ditu. Oraindik ez naiz asko lehiatu France A taldearekin; beraz, pittin bat berezia da. Orain, egunero taldean egiten dugu lan. Alde batetik, argi dago nire egoera pertsonalean pentsatzen ari naizela, oraindik hautaketa moduan baikaude; egiten dakiguna erakusten saiatzen gara, baina, hala ere, uste dut horrelako egonaldietan lan kolektiboak duela garrantzia»[27]. Europako txapelketan, Letoniaren aurka, 22 urte egin eta hurrengo egunean, lehen partida jokatuko du lehiaketa ofizialean, eta 6 puntu, 5 errebote, 2 sarrera, blokeo bat, eta 10eko ebaluazioa aurkeztuko du 18 minututako joko-estatistikan. Pierre Vincent entrenatzaileak honela epaituko du: «Pozik nago haren partidaz, nahiz, batzuetan, taldearen ikuspegitik trantsizioetan jaurtiketak arin samar egiten dituen (...) Dena den, oso pozik nago, eta aspalditik dakit Diandra etorkizuneko egalekoa dela»[28].

Txapelketa bat eta bost handienen arteko parte izan arren, finalean zailtasunak izan ditu Alba Torrens geldiarazteko, eta 4 puntu baino ez ditu lortuko, 5etik jaurtiketa arrakastatsu bakarra eta 3 baloi galdu[29].

2015. urtean, Serbiaren aurka 2015eko Eurokoparen amaierara iristen den taldeko kide da. Partidan zehar, Serbia ez da ezkutatuko, eta Europako Txapeldun titulua lortuko du (68-76)[30]. Etsita gaude, badakigulako lekua bagenuela. Gaur gaueko partidan, Serbiak garaipena merezi izan du (...) Gure indarra defentsa da, eta, gauean, saskiratze asko hartu dute borroketan, bat baten aurkakoetan. Txapelketa honetan, arlo honetako talderik onena da. Gaur gauean, lan handiena beren bat baten kontrako hori eragoztea zen, eta beren jokalari indartsuenak, Dabović eta Petrović, geldiaraztea. Horiek guztiak, egia esan (...) Lehen zatian, nahiko ondo egin dugu, baina, bigarren zatian, ez dugu jarraitu[31]. Errehabilitazioa dela eta 2016ko udan aldenduta, aurre-olinpiadetako txapelketako taldekideak animatzera joango da Nantesera[32]. Ezingo du parte hartu Rio de Janeiroko Jokoetan, neguan izandako lesio batetik ez baita sendatuko[33].

2017an, Frantziak zilarrezko beste domina bat lortuko du Europako txapelketan[34], eta, 2018an, Munduko[35] Kopan bosgarren sailkatuko den Frantziako selekzioan dago.

2019an[36], meniskoko lesio batetik behar bezala osatu gabe, Europako 2019 txapelketarako, ezindua deklaratuko du bere burua.

2020ko Udako Olinpiar Jokoetan, Tokio 2020an (Tokio), brontzezko domina irabaziko du Frantziako taldearekin. Finalaurrekoetan Japoniaren aurrean huts egingo dute partida galduz, eta Serbia garaituko dute brontzezko dominaren lehian. AEBk (urrezkoa) eta Japonia (zilarrezkoa) lortuko dituzte. Hauek osatzen zuten Frantziako taldea: Alexia Chartereau, Helena Ciak, Alix Duchet, Marine Fauthoux, Sandrine Gruda, Marine Johannès, Sarah Michel, Nwal-Endéné Miyem, Iliana Rupert, Diandra Tchatchouang, Valériane Vukosavljević eta Gabby Williams -ek[37][38].

Udako Olinpiar Jokoetako emaitzakAldatu

Udako Olinpiar Jokoak
Urtea Lekua Domina Proba
2020 Tokio
  Japonia
  Saskibaloia
emakumezkoa[39].

KonpromisoakAldatu

2019an, Study Hall 93 elkartea sortuko du, Courneuveko gazteei zuzendua eta eskolaren eta gimnasioaren arteko alderraia saihesteko[40]. Ikasketen amaieratik entrenamenduaren hasiera bitartean, ikastordu bat doan emango zaie. Haurrak etxeko lanak eginda itzuliko dira etxera. Opor-garaietan ere, kirol-egonaldiak eskainiko zaizkie.

2020an, Paris 2024 atleta-batzordean egongo da. Study Halli, hizkuntza-prestakuntzako proiektu bat gehituko dio tokiko kirol-klubetatik kaleratutako gazteei eskola-laguntza emateko. Oinarri sendoak hartuko dituzte eskolan, baita hizkuntzetan ere, bereziki ingelesez, 2024 Joko Olinpikoetan boluntario gisa parte har dezaten. Helburua kirola eta kultur-irekiera uztartzea da.

Nike talde-fabrikatzailearen laguntzarekin, “Take Your Shot” ekimena sortuko du, Sena-Saint-Denis-eko saskibalolari gazteak ametsetan sinestera bultzatzeko eta arrakastarako baliabideak emateko. Kirolaren eta saskibaloiaren mugak gaindituko ditu Take Your Shotek, eta kirolaren mugak gainditzen dituzten emakume ospetsuei parte harraraziko die aholkuak emateko eta esperientziak partekatzeko.

Covid-19 izurritea dela eta, Sena-Saint-Denis-eko biztanleak babesteko maskarak egiten duen herritarren ekimena koordinatuko du[41][42].

George Floyd hil ondoren, 2020ko ekainean, Adama Traoréren familiaren alde eta polizia-indarkeriaren aurka agertu zen Montpellierren: «Historiari dagokionez, bi herrialdeak (AEB. eta Frantzia) ez dira konparagarriak (...), baina baieztapen bat dago; gure herrialdean, gutxiengoetatik irtendako pertsonak arriskuan egon daitezke poliziaren esku erortzen direnean (...). Adama Traoré asfixiatuta hil da, George Floyd bezala. Horregatik, milaka frantziar egia eta justizia azaldu dedila eskatzen ari dira». Halaber, #NORACISM proiektuko enbaxadore da, kirolean arrazakeriari buruz, martxoaren 21ean, #NORACISM (Arrazakeriarik ez) proiektuaren barruan sensibilizatzeko eta irtenbideak aurkitzeko eta arrazakeriaren aurka borrokatzeko, CSP Limoges-en eta beste zenbait saskibaloilari eta ohi batzuen ekimenez, besteak beste, Jerry Boutsiele CSP Limoges-eko jokalaria edo Richard Dacoury Frantziako txapeldun ohi eta klubeko lehendakariordea, baina baita beste diziplina batzuetako beste kirolari batzuk ere, hala-nola Thierry Dusautoir errugbiko Frantziako taldeko kapitan-ohi, Laura Georges futbol jokalari ohi eta Frantziako Futbol Federazioko idazkari orokor edo Olivier Dacourt nazioarteko futbolari frantziar ohiaren artean sortutakoa[43][44].

"SuperHumanoak" podcasta ekoizten du kirolarien beste hainbat alderdi partekatzeko; aparteko ibilbidea duten kirolariek nabarmendu nahi du podcast honen bidez.

KlubakAldatu

  • 1999-2004:   Courneuve
  • 2004-2005:   Paris 18
  • 2005-2009:   Zentro Federala
  • 2009-2011:   Maryland-eko Terrapins ( NCAA )
  • 2009-2011:   Basket Lattes Montpellier Méditerranée Métropole Elkartea
  • 2012-2013:   Kataluniako saskibaloia Perpinyà Mediterraneoa saskibaloia
  • 2013-2018:   Tango Bourges saskibaloa
  • 2018-:   Lattes Montpellier Méditerranée Métropole saskibaloi Elkartea

LorpenakAldatu

KlubekinAldatu

  • Frantziako Kopa: 2014, 2017 [20], 2018 [45] eta 2021 [46]
  • Frantziako txapelduna: 2015 [17] eta 2018 [47] .
  • Txapeldunen partida: 2014 [48], 2015 [49]
  • Eurokopako irabazlea: 2016 [50] .

Selekzio nazionalarekinAldatu

senior lehiaketak

Bereizketa pertsonalakAldatu

ErreferentziakAldatu

  1. a b Diandra Tchatchouang. Fédération française de basket-ball.
  2. Diandra Tchatchouang. Regards n°204.
  3. Diandra Tchatchouang : « J'aimerais que les filles croient en leurs rêves ». lequipe.fr 8 décembre 2018.
  4. Julien Lesage. (11 décembre 2018). Basket : la bonne parole de Diandra Tchatchouang. .
  5. «Diandra Tchatchouang: «J’aimerais bien jouer en WNBA» [archive], Catch and shoot, 2010-02-01 (2010-09-10ean begiratua)
  6. Braqueuse en herbe. daily Motion- France Info.
  7. Yann Lalande. (9 septembre 2010). « Là-bas, je suis d'abord vue comme une Française». Regards n°317.
  8. Diandra Tchatchouang. Université du Maryland.
  9. Tchatchouang, No. 23 Maryland beat East Carolina, 76-60. Associated Press 26 novembre 2010.[Betiko hautsitako esteka]
  10. Lawson-Wade et Tchatchouang à Montpellier. Catch an shoot 17 mai 2011.
  11. Diandra Tchatchouang : « On a parlé du match ». Perpignan Basket 10 décembre 2012.
  12. « Diandra Tchatchouang », Ligue féminine de basket (consulté le )
  13. WNBA : Diandra Tchatchouang et Emma Meesseman draftées. Catch & Shoot 16 avril 2013.
  14. Third Place Game Highlights. FIBA 13 avril 2014.
  15. ACCUMULATED STATISTICS. FIBA.
  16. Face à Villeneuve d’Ascq, Bourges décroche sa huitième Coupe de France. Catch & Shoot 10 mai 2014.
  17. a b Gabriel Pantel-Jouve. (28 avril 2015). Bourges retrouve le titre de champion. bebasket.fr.
  18. Vincent Thiollière. (31 décembre 2015). Rupture des ligaments croisés pour Diandra Tchatchouang. bebasket.fr.
  19. Gaëtan DELAFOLIE. (17 septembre 2016). TCHATCHOUANG RETROUVE LES PARQUETS APRÈS 9 MOIS D'ABSENCE. bebasket.fr.
  20. a b Gaëtan Delafolie. (22 avril 2017). BOURGES RENOUE AVEC LA COUPE. bebasket.fr.
  21. Pascal legendre. (17 juin 2018). « Affaire Mykal Riley »: Quand le Syndicat des Joueurs alertait sur des comportements racistes. .
  22. J. Durand. (2 juin 2018). LFB : Endy Miyem, Helena Ciak, Diandra Tchatchouang, Marielle Amant… Lattes-Montpellier de retour au premier plan. .
  23. Les Bleuettes championnes d'Europe !!!!. Basquetebol 5 août 2007.[Betiko hautsitako esteka]
  24. Diandra Tchatchouang MVP. Basquetebol 5 août 2007.
  25. En quarts mais.... L'Équipe 22 juillet 2010.
  26. Equipe de France féminine 2010. FFBB.
  27. Diandra Tchatchouang : « J’arrive avec plus de confiance ». Ladyhoop 19 mai 2013.
  28. Pierre Vincent : « Ça fait longtemps que je sais que Diandra Tchatchouang est l’ailière de demain ». Catch & Shoot 16 juin 2013.
  29. Bleues : Sandrine Gruda aurait pu être MVP. Eurosport 30 juin 2013.
  30. a b Arnaud Dunikowski. (28 juin 2015). La France en argent. FFBB.
  31. Benoit Jamet, «La Serbie mérite sa victoire» [Artxibatua], Ladyhoop, 2015-06-29 (2015-06-30ean begiratua)
  32. Ulysse Chedhomme. (14 juin 2016). "On va gagner les trois matches". FFBB.
  33. Diandra Tchatchouang. leberry.fr 10 juillet 2016.
  34. a b Les Bleues s'inclinent en finale. 25 juin 2017.
  35. Nicolas Kohlhuber. (30 septembre 2018). LES BLEUES TERMINENT LA COUPE DU MONDE À LA 5EME PLACE. .
  36. Diandra Tchatchouang forfait pour l'Euro 2019. 8 juin 2019.
  37. «Diandra Tchatchouang» olympedia.org 2021-12-26an begiratua(Ingelesez)
  38. «Diandra Tchatchouang» Olympics.com 2021-12-26an begiratua (Gaztelaniaz)
  39. "Saskibaloia, emakumezkoa, emaitzak 2020" olympedia.org (Ingelesez)
  40. https://www.paris2024.org/fr/diandra-tchatchouang-son-double-projet
  41. Coronavirus : "On est obligés de s'aider les uns les autres, la basketteuse Diandra Tchatchouang, coordonne l'opération "À vos masques" en Seine-Saint-Denis. 27 avril 2020.
  42. Thibaut Lasser. (8 mai 2020). Diandra TCHATCHOUANG et Laina BADIANE-PREAU racontent leur implication dans la lutte contre le coronavirus. .
  43. Retour sur l’action #NoRacism - Limoges CSP. .
  44. L’opération #NoRacism continue - Limoges CSP. .
  45. Gaëtan Delafolie. (21 avril 2018). À L'EXPÉRIENCE, BOURGES S'OFFRE LA COUPE UNE 10E FOIS. bebasket.fr.
  46. Gabriel Pantel-Jouve. (24 avril 2021). LATTES-MONTPELLIER REMPORTE SA CINQUIÈME FINALE EN 10 ANS !. .
  47. Gabriel Pantel-Jouve. (26 mai 2018). BOURGES RETROUVE LE TITRE DE CHAMPION DE FRANCE !. bebasket.fr.
  48. Le Match des Champions pour Bourges. basketlfb.com 18 octobre 2014.
  49. Thibaut Lasser. (28 septembre 2015). Trophée des Champions : La passe de deux pour Bourges. postup.fr.
  50. EUROCUP : LE TITRE POUR BOURGES !. bebasket.fr 13 avril 2016.
  51. Antoine Grotteria. (7 août 2021). LES BLEUES DÉCROCHENT LA MÉDAILLE DE BRONZE APRÈS LEUR SUCCÈS CONTRE LA SERBIE. .
  52. https://www.legifrance.gouv.fr/WAspad/UnTexteDeJorf?numjo=PRER2126650D

Kanpo estekakAldatu