Desna (errusieraz: Десна; ukraineraz: Десна) Errusia eta Ukrainako ibaia da, Dnieperren ezkerraldeko adarra. 1.130 kmko luzera eta 88.900 km²ko arroa ditu.

Desna
Десна
Desna River in Chernihiv.jpg
Datu orokorrak
Garaiera 90 m
Luzera 1.130 km
Geografia
Desna.png
Koordenatuak 54° 35′ 38″ N, 33° 17′ 55″ E / 54.5939°N,33.2986°E / 54.5939; 33.2986Koordenatuak: 54° 35′ 38″ N, 33° 17′ 55″ E / 54.5939°N,33.2986°E / 54.5939; 33.2986
Herrialdea Errusia eta Ukraina
Lurraldea Smolensk oblasta, Briansk oblasta, Sumyko oblasta, Txernihiveko oblasta, Kieveko oblasta eta Kiev
Hidrografia
Ibaiadarrak
Arroaren azalera 88.900 km²
Arro hidrografikoa Desna basin (en) Itzuli
Ur-emaria 360 m³/s
Iturburua Golubev Mokh (en) Itzuli
Bokalea Dnieper

GeografiaAldatu

Errusiako Smolensk eta Briansk oblastak eta Ukrainako Txernihiv eta Sumyko oblastak zeharkatu ondoren, Kievetik hurbil, Dnieper ibaira isurtzen da. 1.130 kmko luzera du, eta 535 kilometroz nabigagarria da (Novhorod-Siverskitik aurrera).

Ibaiadar nagusiak Bolva, Seim, Oster, Sudost eta Snov dira. Ibai bazterreko hiri garrantzitsuenak, berriz, Errusiako Jelnia, Jukovka, Briansk, Desnogorsk, Trubtxevsk eta Ukrainako Novhorod-Siverski, Txernihiv eta Oster dira.

HidrometriaAldatu

Desnaren emaria 1884-1995 bitartean neurtua izan da Txernihiven (ahoa baino 120 km lehenago)[1]. Gune horretan, drainatutako eremuak 81.400 km² ditu, arro osoaren % 91,6. Urteko batezbesteko emaria 321 m³/s da; emari handiena apirilean du (1.106 m³/s), elurra urtzen delarik, eta txikienak irail (144 m³/s) eta otsailean (153 m³/s). Abendu hasieratik apiril hasiera arte izozturik egoten da.

Desnaren batezbesteko emariak (m³/s), Txernihiven neurtuak
Datuak: 1884 eta 1995 artean

ErreferentziakAldatu

  1. Desna Txernihiven Webworld.unesco.org

Kanpo estekakAldatu