Deabru Beltzak

Deabru Beltzak
Datuak
Mota	antzerki konpainia
Herrialdea	Espainia
Agintea
Egoitza nagusi	Bilbo;
Historia
Sorrera	1996
Jasotako sariak	Premios Max (2021)
	webgune ofiziala;

"Deabru Beltzak" kale antzerki taldea da, Iturrialde auzoan (Bilbo) egoitza daukana baina munduan zehar oso sarritan dabilena. Izan ere, euskal talderik nazioartekoena dugu.^[1]

1996an sortu ondoren hamar antzezlan egin dituzte, tartean umeentzako lanak daudelarik. Hain zuzen ere, azkenak "Nora zoaz, Txanogorritxu?" izenburua dakar eta publiko gazteenari begira egin dute, besteak beste Bixente Martinezen laguntzarekin.

Ikuskizunetan, hitzik gabe, musika, argi eta suekin jolasten dute, deabruenak ematen dituzten janzkera beltz eta makillatutako aurpegiekin beti ere.

3.000 ekitaldi eginez, 80 ekitaldi berezi antolatu dituzte, 50 hiritan jaien zuzendaritza artistikoaz arduratu dira, munduko 35 talderekin aritu dira lankidetzan eta erankunde hauekin kolaboratu dute: Eusko Jaurlaritza, Ministerio Español de Educación, Cultura y Deporte, Bilboko Udaleko Kultura Saila, Gouvernement du Québec, Le Moulin Fondu, Le Forneau, Leioako Umore Azoka, Fest’Arts Libourne, Fira de Teatre al Carrer de Tàrrega, Arriola Kultur Aretoa, Chalon dans la Rue, Lekeitioko Nazioarteko Kale Antzerki Jaialdia, Portal 71 producciones culturales, Bizkaiko Foru Aldundia…etc 5 kontinente eta 35etik gora herrialdetan egin dute lan, Euskal Herriko talderik nazioartekoena bilakatuz.

Kideak aldatu

Euskal Herriko hainbat antzerki taldetatik zetozen aktoreek sortu zuten 1taldea. Garbitxu eta Zesar A. Ogara kide nagusiak dira, taldea antolatzen dutenak, eta haiekin batera Katrin Schlegel, Raul Soriano, Gorka Goikoetxea, Asier Etxaniz, Aitor Villar, Alain Díez, Aitor Fernandino eta Olatz Pagalday kide edo kolaboratzaile dituzte.

Ikuskizunak aldatu

Kontzertu Beltza
Ibiltariak
Bikiak
Les Diables Noirs
a,e,i,o,u (haurrentzat)
Adi-Adi (haurrentzat)
Les Tambours de Feu^[2]
Bande Déplacée
Nora zoaz, Txanogorritxu? (haurrentzat).
Su a Feu^[3]
Danbor talka (Les Commandos Percu talde frantziarrarekin batera)
Sinfeuny^[4]

Lekeitioko Kale Antzerki Jaialdia aldatu

Lekeitioko Kale Antzerki Jaialdiaren sustatzaileen artean "Deabru Beltzak" taldea dugu, Euskal Herri mailan mota honetako festibalik garrantzitsuena dena.

Sariak aldatu

2021: Kale ikuskizun onenaren Max Saria, 'Simfeuny' lanagatik.^[1]

Erreferentziak aldatu

↑ ^a ^b Regadas, Leire. (2021). Deabru Beltzak kale antzerkia, ‘esku bat danborrean eta bestea probokazioan'. Hamaika Telebista (Noiz kontsultatua: 2021-10-19).
↑ «Tambours de feu – Deabrubeltzak» deabrubeltzak.com (Noiz kontsultatua: 2021-10-19).
↑ «Su a Feu – Deabrubeltzak» deabrubeltzak.com (Noiz kontsultatua: 2021-10-19).
↑ «Symfeuny – Deabrubeltzak» deabrubeltzak.com (Noiz kontsultatua: 2021-10-19).

Ikus, gainera aldatu

Euskal Herriko antzerki taldeen zerrenda

Kanpo estekak aldatu

(Gaztelaniaz)(Frantsesez)(Ingelesez)Deabru Beltzen webgunea

Datuak: Q12256105

[:0-1] Regadas, Leire. (2021). Deabru Beltzak kale antzerkia, ‘esku bat danborrean eta bestea probokazioan'. Hamaika Telebista (Noiz kontsultatua: 2021-10-19).

[2] «Tambours de feu – Deabrubeltzak» deabrubeltzak.com (Noiz kontsultatua: 2021-10-19).

[3] «Su a Feu – Deabrubeltzak» deabrubeltzak.com (Noiz kontsultatua: 2021-10-19).

[4] «Symfeuny – Deabrubeltzak» deabrubeltzak.com (Noiz kontsultatua: 2021-10-19).

[1]

[2]

[3]

[4]