David Alfaro Siqueiros

José de Jesús Alfaro Siqueiros, ezagunagoa David Alfaro Siqueiros gisa, (Chihuahua, Mexiko, 1896ko abenduaren 29a - Cuernavaca, Mexiko, 1974ko urtarrilaren 6a) mexikar pintorea izan zen.

David Alfaro Siqueiros
Irudi gehiago
Bizitza
Jaiotzako izen-deiturak	José de Jesús Alfaro Siqueiros
Jaiotza	Porto, 1896ko abenduaren 29a
Herrialdea	Mexiko
Heriotza	Cuernavaca, 1974ko urtarrilaren 6a (77 urte)
Hobiratze lekua	Rotonda de las Personas Ilustres (en)
Familia
Ezkontidea(k)	Blanca Luz Brum (en) Angélica Arenal Bastar
Hezkuntza
Heziketa	Open air school (en) Academy of San Carlos (en)
Hizkuntzak	gaztelania ingelesa
Ikaslea(k)	ikusi Harold Lehman (en) Luis Arenal Bastar (en) Philip Stein (en) Guillermo Ceniceros (en) Mario Orozco Rivera (en) Ernesto Ríos (en) Electa Arenal (en)
Jarduerak
Jarduerak	margolaria, unibertsitateko irakaslea, militarra, grabatzailea eta fresco painter (en)
Enplegatzailea(k)	Hegoaldeko Kaliforniako Unibertsitatea
Lan nabarmenak	ikusi The Sleep (en) Polyforum Cultural Siqueiros (en) Nuestra Imagen Actual (en)
Jasotako sariak	ikusi National Prize for Arts and Sciences  (1966) Bakearen Lenin Saria  (1966) Veneziako Biurtekoa
Kidetza	Accademia delle Arti del Disegno (en)
Genero artistikoa	grafikoa
Zerbitzu militarra
Adar militarra	Constitutional Army (en)
Parte hartutako gatazkak	Mexikoko Iraultza Espainiako Gerra Zibila
Sinesmenak eta ideologia
Alderdi politikoa	Mexikar Alderdi Komunista

David Alfaro Siqueirosen hilarria, Mexiko Hirian.

Biografia

Alfredo Ramos Martínez pintorearen eskolan ikasi zuen. Orozco eta Rivera mexikar muralistek bezala, Mexikoko Iraultzan esku hartu zuen. 1921ean, aurreko biekin batera, arte iraultzailearen agiria sinatu zuen.

Arte proletarioaren teorilari nagusietakoa izan zen. 1935ean lantegi bat sortu zuen Estatu Batuetan. Espainiako Gerra Zibilean, armada errepublikanoko ofiziala izan zen. Bere ideiak zirela eta, kartzelan eta erbestean izan zen zenbait aldiz. Bere garaiko estetika modernoaren aurka egon zen; Colonen aurreko artearen moldeak beretu nahi izan zituen, haietan oinarriturik gizartearen arazoen eta nahikundeen adierazpena izan behar zuen artea garatzeko. Pintura errealista defenditu bazuen ere, Siqueirosek ez zuen bere obra errealismo sozialista sobietarrak zehazturiko arauetara mugatu. Bere lanetan, kolore biziak, kontraste handiko argi-ilunak, lirismoa eta inpresionismoaren eragina dira aipagarri, eta errealismoak eta irudimenak bat egiten dute.

Mexikon ez ezik, beste herrialde batzuetan ere egin zituen muralak, hala nola Txilen (1939, Muerte al invasor) edo Kuban (1943, Arraza berdintasunaren alegoria); Estatu Batuetako museoetan ere zenbait obra ditu: Filadelfian, Erraldoiak, (1932); New Yorken, Kexu baten oihua (1937) eta Etnografia (1939). Obra gehienak, ordea, Mexikon dira, besteren artean munduan egin den pintura-muralik handiena (4.500 m₂), Gizadiaren Historia (1966an egina). Beste zenbait lan: Sutea (1939); Traizioaren aurpegia (1947); Cuhautemocen apoteosia (1951).

Wikimedia Commonsen badira fitxategi gehiago, gai hau dutenak: David Alfaro Siqueiros

Erreferentziak

• Datuak: Q315647
• Multimedia: David Alfaro Siqueiros / Q315647