Danimarkako Galeria Nazionala

Danimarkako Galeria Nazionala
Datuak
Izen ofiziala	Statens Museum for Kunst eta National Gallery of Denmark
Mota	Arte galeria
Herrialdea	Danimarka
Jarduera
Enplegatuak	150
Agintea
Zuzendaria	Astrid la Cour (en)
Osatuta	Royal Cast Collection (en) ; The Royal Collection of Graphic Art (en)
Legezko forma	governmental administrative unit in Denmark (en)
Zeren jabe	Midasen epaia eta Bella and Hanna. The Eldest Daughters of M. L. Nathanson (en)
Historia
Sorrera	1896
	webgune ofiziala;

Danimarkako Galeria Nazionala baita SMK (danieraz: 'Statens Museum for Kunst') Kopenhage hiriburuaren erdigunean dagoen pinakoteka ospetsua da. Museoak Danimarkako eta atzerriko artea biltzen, erregistratzen, kontserbatzen, ikertzen eta kudeatzen du, XIV. mendeaz geroztik. 260.000 obra baino gehiago gordetzen du.^[1]

Eraikinak aldatu

Museoak bi eraikin bereizi hartzen ditu, bata zaharra eta bestea modernoa. Vilhelm Dahlerupek eta G.E.W. Møllerrek diseinatu zuten Italiako Berpizkundea gogorarazten duen estiloan altxatu zen eraikin zaharra 1889 eta 1896 artean. ^[2] XX. mendeko amaieran Arkitektfirmaet C. F. Møller bulegoa handitzeko lanari ekin zioten, Anna Maria Indrio eta Mads Møller arkitektoek diseinatua, eta 1998ko azaroan ireki zuten. Eraikin berria, modernoa, eraikin zaharraren atzealdean dagoen parkean eraiki zuten, «Eskulturen kalezuloa» izeneko beirazko sabai batez estalitako pasabide batek lotzen duena. Museo osoa zeharkatzen duen "kale" horretan, kontzertuak eta dantza-ikuskizunak antolatzen dira aldizka.^[3]

Museoaren funtsak aldatu

SMK-ko arte bildumak hiru bilduma bereizten ditu:

Pintura eta Eskultura Errege Bildumak, 1300. urtetik gaur egun arteko pintura eta eskulturak gordetzen ditu.
Arte Grafikoen Errege Bilduma, paperean egindako grabatu, marrazki eta bestelako arte bildumarik handiena da, eta munduko bildumarik onenetakoa.
Royal Cast Collection, Kopenhageko portuan dagoen West India Warehouse-n gordetako igeltsuzko 2.000 estatua baino gehiagoko bilduma da.^[4]